नांदगाव (सिंधुदुर्ग) - मुंबई-गोवा महामार्गावरुन जाणारा सावडाव फाटा ते ओटवला जोडणारा रस्ता पूर्णत: खड्डेमय झाला आहे. यामुळे स्थानिक व पर्यटकांना या खड्ड्यांचा सामना करावा लागत आहे. या कामासाठी तातडीने विषेश बाब ठरवून निधी मंजूर करावा, अशी मागणी येथील नागरीक व पर्यटक करीत आहेत. यासाठी लोकप्रतिनीधींनी पाठपुरावा करुन सार्वजनिक बांधकाम विभागाचे लक्ष वेधावे, अशीही मागणी होत आहे.
मुंबई-गोवा महामार्गावरुन सावडाव फाटा येथून सावडावातून जाणारा रस्ता ओटवला जोडला जातो. येथून नांदगावकडेही येता येते; मात्र पावसाळ्यात सावडाव फाटा ते ओटवपर्यंत असणाऱ्या या रस्त्यावर अनेक ठिकाणी पाणी साचल्याने या रस्त्याची दुरवस्था झाली आहे. यामुळे सावडाव ग्रामस्थांना त्रास सहन करावा लागत आहे. या रस्तावर नांदगाव, सावडाव, ओटव, माईण भागातील नागरिक मुंबई-गोवा महामार्गावर असणाऱ्या नांदगाव व सावडाव फाटामार्गे शहराकडे जाणाऱ्यांची नेहमीच वर्दळ असते. त्यामुळे याकडे लक्ष देण्याची मागणी होत आहे.
सावडाव पर्यटनस्थळ
सावडाव हे पर्यटनस्थळ म्हणूनही विकसित झाले आहे; मात्र म्हणाव्या तशा पायाभूत सुविधा निर्माण झाल्या नाहीत. त्यात हा रस्ताही खराब असल्याने त्याची तातडीने डागडुजीसह विशेष बाब म्हणून निधी मंजूर करुन यावर्षी डांबरीकरण गरजेचे आहे. अन्यथा येत्या पावसाळ्यात येथील रस्त्याचे गंभीर परिणाम दिसून येतील.
संपादन - राहुल पाटील
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.