वेंगुर्ले (सिंधुदुर्ग) : कोणतेही रासायनिक खत न वापरता तुळस येथील मधुकर तेंडुलकर यांनी आपल्या परसबागेत 10 फुट उंचीचे मिरचीचे झाड वाढविले आहे. या झाडाला सुमारे 7 ते 8 किलो मिरच्या लागल्या आहेत. रस्त्यालगतच हे झाड असल्याने येणार्या जाणार्यांचे लक्ष वेधुन घेत आहेत.
तुळस-सावंतवाडा येथील रहिवासी तेंडुलकर हे आंबा बागेमध्ये काम करुन आपला उदरनिर्वाह करतात. आपल्या घराच्या परसबागेत त्यांनी विविध प्रकारची झाडे लावून त्याचे उत्पन्नही ते घेत असतात. उत्पन्न घेताना वेगवेगळे प्रयोग करणे ही त्यांची आवड आहे. 2019 मधील गणेश चतुर्थीमध्ये त्यांनी आपल्या परसबागेत मिरचीचे रोप लावले होते. त्या मिरचीच्या रोपासाठी कोणतेही रासायनिक खत न वापरता सागवान वृक्षाचे पाने जाळून त्यामध्ये गोवर मिक्स करुन त्याचे खत म्हणून वापर केले.
या एप्रिलमध्ये मिरचीच्या झाडाची उंची तब्बल 10 फुट वाढली आहे. या झाडाला 7 ते 8 किलो मिरच्या लागल्या आहेत. यापूर्वी त्यांनी टॉमेटोचे साडेसहा फुट झाड वाढविले होते. निसर्गाने साथ दिल्याने मिरचीचे झाड 10 फुट वाढविणे शक्य झाल्याचे श्री. तेंडुलकर यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.