चिपळूण : गेले 4 दिवस सातत्याने पडणाऱ्या पावसाने आज पोफळी -शिरगाव भागाला झोडपून काढले. शिरगावमध्ये वाशिष्ठीला पूर आला.पावसाच्या रौद्र रूपाने या परिसराला धडकी भरली. शिरगाव व पोफळी परिसरात ढगफुटी होऊन शिरगावात वाशिष्टी नदी कोपली तर कुंभार्ली घाटात दरड कोसळल्यामुळे वाहतूक ठप्प झाली. मात्र तत्काळ जेसीबीच्या साहयाने दरड बाजूला करून वाहतूक सुरळीत करण्यात आली.
शिरगाव पोफळी परिसरात रविवारी सायंकाळी 5 .30 वा दरम्यान पावसाने जोरदार तडाखा दिला.घाटातील डोंगर दऱ्यात मुसळधार पाऊस पडल्यामुळे शिरगावच्या वाशिष्टी नदीला काही वेळातच पूरपरिस्थिती निर्माण झाली एवढा पावसाचा जोर भयानक अन भितीदायक होता असे घाटातून खाली आलेल्यानी सांगितले.
कुंभार्ली घाटातील एका वळणावर दरड कोसळल्यामुळे घाटातील काही वेळ वाहतूक ठप्प झाली होती. शिरगावात वाशिष्टी नदीने रूद्र रूप धारण केले त्यामुळे निर्माण झालेल्या पुरजन्य परिस्थितीमुळे तात्काळ शिरगाव पोलीस यांनी शिरगावच्या वाशिष्टी पुलावरील वाहतूक बंद केली .कुंभार्ली घाटात दरड कोसळल्यामुळे ठप्प झालेली वाहतूक पोलीस व ग्रामस्थांनी जेसीबीच्या साहयाने दरड बाजूला करून सुरळीत करण्यात आली.
यामुळे घाटात अडकलेल्याना दिलासा मिळाला. शिरगाव वासीयांनी रात्रभर जीव मुठीत घेऊन काढला. पोफळी आणि शिरगावमध्ये नदी किनारी असलेल्या घरापर्यंत वाशिष्ठी नदीचे पाणी गेले. पावसाच्या पाण्याने भातशेतीचेही नुकसान केले. विजांचा गडगडात रात्रभर सुरू होता त्यामुळे काही भागाचा रात्रभर वीजपुरवठा खंडित होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.