Citizens stopped the trick of releasing Nala water into the river 
कोकण

नाल्याचे पाणी नदीत सोडण्याचा डाव नागरिकांनी रोखला....

सकाळ वृत्तसेवा

चिपळूण :  चिपळूण पालिकेकडून गोवळकोट रोड येथील पूर्वनियोजित नाल्याच्या दिशेत अचानक बदल करून विरुद्ध दिशेने वळवण्याचा खटाटोप करण्यात आला. याला गोवळकोटवासीयांनी तीव्र विरोध करीत काम बंद पडले. गोवळकोट चर येथे नदीपात्रात नाल्याचे पाणी सोडू देणार नाही, असा इशारा नागरिकांनी दिला आहे. 

गेल्या अनेक वर्षांपासून रत्नागिरी जिल्ह्यातील गोवळकोट रोड येथील नाल्याचा प्रश्‍न वादग्रस्त बनला आहे. नवीन बांधकामांमुळे पूर्वीचा नैसर्गिक नाला अस्तित्वात राहिलेला नाही. परिणामी या भागातील सांडपाणी वाहण्यासाठी मार्ग नसल्याने पाणी तुंबून राहत आहे. या भागात दुर्गंधी व डासांचे प्रमाण वाढले आहे. यावर उपाययोजना करण्यात यावी, अशी मागणी येथील रहिवाशांची आहे. त्यासाठी पालिकेने नाला गोवळकोट रस्त्याच्या पलीकडे वाशिष्ठी नदीच्या दिशेने वळवण्याचा प्रस्ताव मांडला होता; परंतु त्या भागात एका बड्या व्यक्तीचे बांधकाम सुरू असल्याने काहींचा विरोध झाला. परिणामी हा प्रस्ताव धूळ खात पडला होता. आता याप्रश्‍नी पालिकेने पुन्हा लक्ष घातले आहे. 

पालिकेचे बांधकाम विभागाचे अधिकारी आज जेसीबी घेऊन तेथे दाखल झाले. श्री देवी करंजेश्वरी स्वागत कमानीपासून गोवळकोट चर या ठिकाणापर्यंत नाला काढण्याचे काम हाती घेतले, मात्र या नाल्यामुळे थेट वाशिष्ठी नदीला सांडपाणी वाहून जाईल. नजीक असलेल्या पालिकेच्या पाणी योजनेतील जॅकवेललाही दूषित पाणी उचलले जाईल. त्यामुळे हे चुकीचे काम करू देणार नाही, असा इशारा येथील नागरिकाकंडून दिला. या वेळी नगरसेवक भगवान बुरटे, सुषमा कासेकर, वसंत हरवडे, सुरेश शिंदे, दत्ताराम हेलवंडे, कट्ट्या देवळेकर, विकी लवेकर, सतीश चांदिवडे, केतन निवाते, प्रतीक गोरीवले आदी उपस्थित होते. 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

अमेरिकेने इराणविरुद्धच्या युद्धात एक्स्पायर झालेली क्षेपणास्त्रे वापरली; सिनेट आर्म्ड सर्व्हिसेस कमिटीसमोर सुनावणी

Truck Bike Accident : तेरवीहून परतताना पती-पत्नी ठार; शिंदोला मार्गावर ट्रक-दुचाकीचा भीषण अपघात

Chadrapur Crime : चंद्रपूर हादरले! चौकात कवटी, रेल्वे पटरीलगत मृतदेह; दोन्ही अवयव एकाच व्यक्तीचे असल्याचा संशय

Dengue-Like Infection : मुंढेत ४० जणांना डेंगीसदृश्य लागण; गावात खळबळ

Amravati Fire : वलगाव मार्गावरील हबीब नगर परिसरात शॉर्टसर्किटमुळे आग लागल्याची शक्यता; अडीच ते तीन तासांच्या प्रयत्नांनंतर अग्निशमन दलाने आगीवर मिळवले नियंत्रण

SCROLL FOR NEXT