- ratchl१५१.jpg-
P२४M९०३९२
चिपळूण ः काँग्रेसच्या संपर्क कार्यालयात तालुकाध्यक्ष लियाकत शाह यांचा सत्कार करताना पदाधिकारी, कार्यकर्ते.
-------------

चिपळुणात काँग्रेसचे संपर्क कार्यालय सुरू

चिपळूण, ता. १५ ः लोकसभा निवडणुकीत बंद असलेले चिपळूणातील काँग्रेसचे संपर्क कार्यालय अखेर नव्या तालुकाध्यक्षांच्या नियुक्तीनंतर सुरू झाले आहे. माजी तालुकाध्यक्ष प्रशांत यादव यांनी राजीनामा दिल्यापासून हे कार्यालय काही महिने बंद होते; मात्र आता तालुकाध्यक्ष लियाकत शाह यांनी सुत्रे हाती घेताच नव्याने दमाने हे कार्यालय सुरू केले आहे.
काही महिन्यापूर्वी प्रशांत यादव यांनी काँग्रेस तालुकाध्यपदाचा राजीनामा दिल्यानंतर हे पद रिक्त होते. तालुकाध्यक्षपदासाठी जोरदार रस्सीखेच सुरू होती; मात्र काँग्रेसचे शहराध्यक्ष आणि माजी उपनगराध्यक्ष लियाकत शहा यांच्यावर तालुकाध्यक्षपदाची धुरा सोपवण्यात आली. तालुकाध्यपदी शहा यांची निवड शुक्रवारी जाहीर होताच दुसऱ्याच दिवशी संपर्क कार्यालय सुरू करण्यात आले. या निमित्ताने तालुकाध्यक्ष शहा यांचा सत्कार केला. या वेळी तालुकाध्यक्ष शाह म्हणाले, राष्ट्रीय काँग्रेस पक्षाची विचारधारा तळागाळापर्यंत पोहोचवून पक्ष मजबूत करण्यावर भर राहील. शहरासह ग्रामीण भागात पक्षाचे संघटनात्मक जाळे उभारून पक्ष घराघरापर्यंत नेण्याचे काम केले जाईल. शहरासह ग्रामीण भागातील लोकांच्या समस्या आणि अडीअडचणी संपर्क कार्यालयाच्या माध्यमातून सोडवण्यात येतील, असा विश्वास लियाकत शहा यांनी व्यक्त केला. या वेळी महिला जिल्हाध्यक्षा विभावरी जाधव, नंदा भालेकर, माजी नगरसेविका सफा गोठे, लियाकत शेख, कबीर काद्री, संदीप लवेकर, जीवन रेळेकर, इम्तियाज कडू, रिझवान पटेल, सुरेश राऊत आदी उपस्थित होते.