सिंधुदुर्गात आणखी एका कोरोना बाधीत रुग्णाचा मृत्यू ; तर दिवसभरात आणखी दोघांना कोरोनाची लागण..
सिंधुदुर्गनगरी : जिल्ह्यात आज आणखी एका कोरोना बाधीत रुग्णाचा मृत्यू झाला आहे. देवगड तालुक्यातील शिरगांव येथील 63 वर्षीय महिलेचा मृत्यू झाला आहे. सदर महिलेस मधुमेह व उच्चरक्तदाबाचा त्रास होता. पनवेल येथून आलेल्या या महिलेचा दिनांक 28 मे रोजी स्वॅब तपासणीसाठी घेण्यात आला होता. त्याचा अहवाल दिनांक 2 जून रोजी प्राप्त झाला होता.
दिवसभरात आणखी दोघांना कोरोनाची बाधा
कोरोना तपासणीचे आज प्राप्त झालेल्या अहवालांनुसार आणखी 2 व्यक्तींना कोरोनाची बाधा झाली आहे. सावंतवाडी तालुक्यातील ओटवणे आणि चौकुळ या गावातील हे दोन रुग्ण आहेत. तर काल जिल्ह्यातील रुग्णसंख्येमध्ये 6 ची भर पडली आहे. त्यामध्ये कणकवली तालुक्यातील 3, सावंतवाडी तालुक्यातील 1, वैभववाडी तालुक्यातील 1, देवगड तालुकयातील एका व्यक्तीचा समावेश आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.