दाभोळ - दापोली तालुक्यातील पहिल्याच कोरोनाबाधित महिलेसंदर्भात एक वेगळीच माहिती पुढे आला आहे. कोरोनाच्या प्रदूर्भावाच्या काळात देखील रुग्णालय प्रशासनाकडूनही कसे काम केले जाते याचा नमुना या उदाहरणामुळे पुढे आलं आहे. मुंबई येथून पोटाची शस्त्रक्रिया केल्यानंतर काही काळाने ही महिला, तिचा मुलगा व सून हे रुग्णवाहिका करून मुंबई येथून 30 एप्रिल रोजी रात्री दापोलीत आले.

दापोली येथे आल्यावर या तिघांची तपासणी करून त्यांना आयसोलेशन कक्षात न ठेवता पेड वॉर्डात ठेवण्यात आले होते.त्यानंतर या 65 वर्षीय महिलेवर उपचारही सुरू होते. तोपर्यंत या महिलेवर सर्वसाधारण रुग्ण म्हणून पाहिले जात होते, त्यामुळे तिच्यावर उपचार करण्यासाठी जाणारे डॉक्टर व नर्सेस व इतर कर्मचारी हे पीपीई किट परिधान न करताच जात होते, मात्र एक दिवस या महिले संदर्भात शंका आल्याने तिचा स्वँब घेण्यात आला व तो तपासणीसाठी मिरज येथे पाठविण्यात आला. जेव्हा तपासणीचा अहवाल पॉझिटिव्ह आला. तेव्हा या महिलेवर उपचार करणाऱ्या सर्वांमध्ये भीतीचे वातावरण असून या सर्वांचे आता स्वँबचे नमुने घेण्यात आले आहेत.

वाचा - वा रे बहाद्दरांनो ! तब्बल 52 हजाराची दारु घेतली अन् बिल टाकलं सोशल मीडियावर पण आता झालं अवघडच...

कोविड 19 संदर्भात शासनाने दिलेल्या मार्गदर्शक सूचनांनुसार कोविडचा संसर्ग असलेल्या भागातून रुग्ण आल्यास त्याची तपासणी करून त्याचे अलगिकरण करावयाचे असून दापोलीच्या उपजिल्हा रुग्णालयात या मार्गदर्शक सूचनांची अंमलबजावणी करण्यात न आल्याने आता त्याचा नाहक त्रास डॉक्टर व इतर  कर्मचार्यांना आता सहन करावा लागत आहे.
ही महिला पेड वॉर्ड मध्ये असताना तिला तिचे नातेवाईक व   ग्रामस्थही भेटून गेल्याने त्यांच्या चिंतेत भर पडली असून आता या  सर्वांचे विलगिकरण करावे लागणार आहे.