रत्नागिरी : कोरोना लसीकरणात रत्नागिरी जिल्ह्याने सोमवारी दहा लाख लसीकरणाचा टप्पा पार केला. यामध्ये 6 लाख 98 हजार 995 जणांनी पहिला डोस आणि 3 लाख 3 हजार 922 जणांनी दुसरा डोस घेतला आहे. जानेवारी 2021 पासून कोविड लसीकरणाला प्रारंभ झाला. सुरूवातीला अपुऱ्या लसीमुळे लसीकरणात खंड पडत होता. मात्र, ऑगस्ट महिन्यापासून मोठ्या प्रमाणात लस उपलब्ध होताच लसीकरणाचा वेग वाढला आहे.

सोमवारी लसीकरणाचा दहा लाखाचा टप्पा पार करण्यात आला. लसीकरणात कोविशिल्डचा पहिला डोस 5 लाख 77 हज़ार 463 जणांनी घेतला तर दुसरा डोस 2 लाख 19 हजार 977 जणांनी घेतला. कोव्हॅक्सिनचा पहिला डोस 1 लाख 21 हजार 532 जणांनी घेतला तर दुसरा डोस 83 हजार 948 जणांनी घेतला. यामध्ये फ्रंटलाईन वर्कर,आरोग्य कर्मचारी, 18 ते 44 वयोगट, 44 ते 60 वयोगट आणि 60 वर्षावरील नागरिकांचा समावेश आहे.