आज सकाळी 6 वाजता दापोली पोलिस स्टेशनला आग लागली. यासंदर्भातील माहिती त्वरित अग्निशामक दलाला देण्यात आली. त्यानंतर अग्निशमन दलाच्या गाड्या घटनास्थळी दाखल झाल्या असून आगीवर नियंत्रण मिळवण्याचे काम सुरु आहे. दरम्यान, या आगीत काय नुकसान झाले याची माहिती मिळू शकली नाही. (Fire Broke in Dapoli Police Station)

सुदैवाने या आगीत कोणतीही जीवितहानी झालेली नसली तरी, पोलीस स्टेशनमधले महत्त्वाचे दस्तऐवज जळून खाक झाल्याची भीती वर्तवण्यात येत आहे. आग लागल्यानंतर काही स्थानिक नागरिकांनीही मदत केली. त्यानंतर पोलीस स्टेशनमधून काही बंदुका आणि काही दस्तऐवज बाहेर काढण्यात पोलिसांना यश आलं आहे.

आग आता आटोक्यात आली आहे. मात्र या आगीचं कारण अद्याप कळू शकलेलं नाही.