साडवली - लॉकडाऊनच्या काळात देवरुख बाजारपेठेत दुचाकीला बंदी करण्यात आली आहे. तरीही अनेकजण खोटी कारणे देत घराबाहेर पडत आहेत. कोरोनाचा मुकाबला करण्यासाठी संपूर्ण देशात लाॅकडाऊन करण्यात आला आहे. तरीही काही नागरिकांना याचे गांभिर्य नाही. देवरुख पोलिस आता अशा विनाकारण फिरणार्‍या वाहनांची हवाच सोडत आहेत. यामुळे वाहने रस्त्यावर येण्याचे प्रमाण तरी कमी होईल असा पोलीसांचा विश्वास आहे.

हे पण वाचा - सावधान; चढ्या दराने माल विक्री करताय! होणार कारवाई

देवरुख पोलिस, आरोग्य विभाग, महसूल विभागाने तालुक्यात कामांचे चांगले नियोजन केलेआहे. बाहेरुन नवीन कोणीही तालुक्यात येवू नये याची खबरदारी चेकपोस्ट घेत आहे. नागरिकांच्या आरोग्याच्या काळजीसाठी प्रशासन सज्ज असताना नागरिकांचे सहकार्य मिळत नाही ही खंत आहे. त्यामुळे पोलिसांनी आता गाडीतील हवा सोडण्याची शक्कल लढविली आहे. 

हे पण वाचा - संचारबंतीत वाहतूक ; कारखान्याच्या व्यवस्थापकासह सहा जणांवर गुन्हा

दरम्यान, आता देवरुख शहरात घरपोच सामान पुरवण्याचे देवरुख नगरपंचायतीने नियोजन केले आहे. त्यासाठी यंसेवकांची नेमणूक केलेली आहे. तरीही नागरीक बाजारात गर्दी करताना दिसत आहेत.