लांजा - शेतकरी संघटनांनी आज मंगळवारी पुकारलेल्या देशव्यापी बंदचा लांजा शहर व तालुक्यात कोणताही परिणाम दिसून आला नाही. संपूर्ण बाजारपेठ सुरू होती तर मंगळवार हा आठवडा बाजाराचा दिवस असल्याने बाजारात खरेदीसाठी लोकांची मोठी गर्दी दिसून आली. याखेरीज एसटी, रिक्षा व अन्य वाहतुकही सुरळीतपणे सुरू होती.

दिल्ली येथील शेतकऱ्यांच्या आंदोलनाच्या समर्थनार्थ आज भारतबंदची हाक देण्यात आली होती. संपूर्ण देशभर शेतकरी आंदोलनाला विविध संघटनांनी पाठिंबा जाहीर केलेला होता. राज्यातील महाविकास आघाडी सरकारने देखील या आंगोलनाला पाठींबा दिला होता. त्यामुळे लांजा बंद राहणार का असा प्रश्न सर्वांना पडला होता. 

मात्र कोरोनासारख्या संसर्गजन्य रोगातून कित्येक महिने प्रशासकीय आदेशाने व्यापाऱ्यांनी आपली दुकान सेवा बंद ठेवली असताना मंगळवार  आठवडा बाजार असल्याने ग्रामीण भागातून येणाऱ्या ग्राहकांची कुचंबणा, गैरसोय होऊ नये म्हणून सद्यस्थितीत व्यापारी पेठ चालू ठेवण्याचा निर्णय लांजा तालुका व्यापारी संघटनेने घेतला होता.

हे पण वाचा - चंद्रकांत पाटील खरंच हिमालयात जाणार का? सोशल मीडियावर मिम्स तुफान व्हायरल

 त्यामुळे आजच्या भारत बंदचा लांजात फज्जा उडाला. संपूर्ण लांजा बाजारपेठ सुरू होती. बाजाराचा दिवस असल्याने लोकांनी मोठी गर्दी केली होती. बंदचा कोणताही लवलेश या ठिकाणी दिसून आला नाही. एसटी, रिक्षा व अन्य वाहतुकही सुरळीतपणे सुरू होती.

संपादन - धनाजी सुर्वे