वडखळ : सध्या वडखळमधील मुख्य बाजारपेठेत सुकी मासळी खरेदी-विक्रीचा व्यवसाय तेजीत आहे. विशेष म्हणजे पेण तालुक्यासह रायगड जिल्ह्यातील शेकडो नागरिक, पर्यटक पावसाळ्यापूर्वी अगोटीची सुकी मासळी घेण्यासाठी वडखळ, पोयनाडच्या बाजारात येतात. येथील बोंबील, करंदी, सुकी कोळंबी, वाकट्या, मांदेली विशेष लोकप्रिय असल्याने खवय्यांकडून मोठी मागणी आहे.
मत्स्य दुष्काळामुळे ताजी मासळी खाणे अनेकांच्या खिशाला परवडत नाही. मात्र यंदा सुक्या मासळीचा दराने उचल खाल्ली आहे. गेल्या वर्षीच्या तुलनेत सुक्या मासळीच्या दरात सरासरी १००ते १५० रुपयांची वाढ झाल्याचे चित्र आहे. गेल्या वर्षी शेकडा ४०० रुपयांनी मिळणारे सुके बोंबील यंदा ५०० रुपये शेकडा मिळत आहेत.
जवळा, करदीचे दर १०० रुपयांनी तर कोळंबी प्रति किलो ४५० ते ५०० रुपये आहे. जवळा ३०० ते ३५० रुपये किलो, पापलेट, सुरमई, बांगडा या माशांची आवक घटल्याने या प्रकारातील सुकी मासळी बाजारात सध्या उपलब्ध नाही. मे महिना सुरू होताच वडखळच्या बाजारपेठेत सुकी मासळी मोठ्या प्रमाणात विक्रीसाठी येते.
पावसाळ्यात शेतीची कामे सुरू होतील, त्या वेळी शेतावर काम करणाऱ्या मजुरांचे जेवणासाठी सुकी मासळी आवश्यक असल्याने आताच विकत घेउन ठेवली आहे. यंदा दरात १०० ते २०० रुपयाची वाढ झाली आहे.
- संगीता पाटील, गृहिणी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.