कणकवली (सिंधुदुर्ग) : भाजपचे प्रदेश चिटणीस तथा माजी आमदार प्रमोद जठार यांची कोरोना चाचणी पॉझिटिव्ह आली आहे. त्यामुळे त्यांच्या संपर्कात आलेल्या कार्यकर्त्यांनी तसेच नागरिकांनी आपली आरोग्य तपासणी करून घ्यावी असे आवाहन जठार यांनी केले आहे.

जठार यांना दोन दिवसापूर्वी तापाची लक्षणे असल्याने त्यांनी खासगी रुग्णालयात कोरोना चाचणी करून घेतली होती. यात त्यांचा अहवाल पॉझिटिव्ह आला. दरम्यान आपल्या संपर्कात आलेल्या कार्यकर्त्यांनी तसेच नागरिकांनी आपली आरोग्य तपासणी करून घ्यावी. तसेच कोरोना चाचणी पॉझिटिव्ह असली तरी आपली तब्बेत ठणठणीत असल्याचे जठार यांनी म्हटले आहे.

दरम्यान उद्यापासुन महापालिका क्षेत्रात रात्री अकरा ते सकाळी सहा या वेळेत नाईट कर्फ्यू म्हणजेच संचारबंदी जाहीर करण्यात आली आहे. कोरोनाच्या पार्श्वभूमीवर संरक्षणासाठी राज्य सरकारने हा निर्णय घेतला आहे. 

हेही वाचा - एसटी आणि चारचाकीच्या भीषण अपघातात शिक्षक जागीच ठार -

संपादन - स्नेहल कदम