देवरूख ब्राह्मण संघाची
कार्यकारिणी जाहीर
साडवली, ता.२१ : देवरूख येथे नुकत्याच झालेल्या ब्राह्मण सेवा संघाच्या मेळाव्यात पुढील तीन वर्षांसाठी नूतन कार्यकारिणी निवडण्यात आली. ब्राह्मण समाजात संघटन वाढीस लागावे, ज्ञातिबांधवांना रोजगाराच्या संधी उपलब्ध करून द्याव्यात, शिक्षणासाठी सहकार्य करावे, दर महिन्याला एक सभा घ्यावी, असे मेळाव्यात ठरवण्यात आले.
नवीन कार्यकारिणीत देवरूखमधील प्रत्येक प्रभागातून तिघांची नियुक्ती करण्यात आली आहे. यामधून लवकरच अध्यक्ष, उपाध्यक्ष, सचिव, खजिनदार व सदस्यांची निवड होणार आहे. या कार्यकारिणीत भालचंद्र राजाराम जोशी, राजेश पांडुरंग भिडे, स्मिता सुधीर गानू, गजानन केशव जोशी, अभय गोपाळ पुरोहित, चैतन्य श्रीकांत भागवत, संदीप सुरेश मुळ्ये, किरण मुकुंद देशपांडे, नेत्रा महेश आठल्ये, रवींद्र रामचंद्र साठे, मुग्धा मदन पित्रे, नेहा भालचंद्र सरदेसाई, श्वेता शेखर कुलकर्णी, अमित श्रीपाद कुलकर्णी, निनाद अरविंद देसाई, रवींद्र अनंत कुलकर्णी, योगेश अनंत साठये, दिलीप शंकर ओगले, सदानंद विठ्ठल बोंद्रे, मंगेश श्रीकृष्ण सरदेसाई यांची निवड करण्यात आली.