- rat३p६.jpg-
P२४M८७४९३
रत्नागिरी : गोगटे-जोगळेकर महाविद्यालयात सेवानिवृत्तीनिमित्त प्रबंधक रवींद्र केतकर यांचा सत्कार करताना प्राचार्य डॉ. मकरंद साखळकर. सोबत सायली केतकर.

विद्यार्थीदशेपासून र. ए. सोसायटीशी ऋणानुबंध

प्रबंधक केतकर ः सेवानिवृत्तीनिमित्त सत्कार

सकाळ वृत्तसेवा
रत्नागिरी, ता. ४: विद्यार्थीदशेपासूनच माझे या संस्थेशी ऋणानुबंध जुळले आहेत. संस्थेने सेवेची संधी दिली. रत्नागिरी एज्युकेशन सोसायटीचे आजी-माजी पदाधिकारी, प्राचार्य यांच्याप्रतीही कृतज्ञता व्यक्त करतो. महाविद्यालयातील शिक्षक, शिक्षकेतर कर्मचाऱ्यांकडूनही आदर, प्रेम मिळाले. माझी पत्नी सायली केतकर हिने आणि माझ्या कुटुंबीयांनीही मोलाची साथ दिली, असे प्रतिपादन गोगटे-जोगळेकर महाविद्यालयातील प्रबंधक रवींद्र केतकर यांनी सेवानिवृत्तीपर सत्कार कार्यक्रमात केले.
केतकर आणि प्रयोगशाळा परिचर दीपक कुळ्ये हे नियत वयोमानानुसार सेवानिवृत्त झाले. त्यांचा सेवानिवृत्तीपर सदिच्छा समारंभ महाविद्यालयात नुकताच झाला. त्यावेळी ते बोलत होते. याप्रसंगी प्रशासकीय उपप्राचार्य डॉ. प्रफुल्ल कुलकर्णी यांच्या हस्ते, महाविद्यालयाच्या वतीने प्राचार्य डॉ. मकरंद साखळकर यांच्या हस्ते केतकर आणि कुळ्ये यांचा शाल, श्रीफळ, पुष्पगुच्छ देऊन सत्कार करण्यात आला. प्रशासकीय उपप्राचार्य डॉ. प्रफुल्ल कुलकर्णी, महेश सरदेसाई यांनी मनोगते व्यक्त केली. यावेळी उपप्राचार्या डॉ. चित्रा गोस्वामी, दीपक कुळ्ये सपत्नीक उपस्थित होते. कनिष्ठ महाविद्यालयाचे उपप्राचार्य प्रा. सुनील गोसावी, वरिष्ठ महाविद्यालयातील शिक्षक- शिक्षकेतर कर्मचारी मोठ्या संख्येने उपस्थित होते. सूत्रसंचालन प्रा. नीलेश पाटील यांनी केले.
----