कणकवली - निवडणूक कामकाज आटोपून घरी जाताना मोटारीची धडक बसल्याने निर्भय लक्ष्मण मयेकर (वय ५३, सध्या रा. जानवली, शिक्षक कॉलनी, मूळ बांदा, देऊळवाडी) यांचा मृत्यू झाला. ही घटना काल (ता. १८) रात्री साडेदहाच्या सुमारास घडली. मयेकर पाटबंधारे खात्यात नोकरीला होते.
महायुतीची सभा आटोपल्यानंतर जेवण आटोपून मयेकर चालत घरी जात होते. रात्री साडेदहाच्या सुमारास कसाल ते नांदगावच्या दिशेने जाणाऱ्या मोटारीने (एमएच ०७ सी ८१९८) त्यांना मागून धडक दिली. यात मयेकर जागीच कोसळले. मोटार चालकही थांबला. त्यानंतर जखमी मयेकर यांना स्थानिकांनी तातडीने खासगी रुग्णालयात दाखल केले; मात्र उपचारापूर्वीच त्यांचे निधन झाले. त्यांच्या छातीला मार लागला होता. अपघातानंतर लगेच हृदयविकाराचा झटका आल्याने त्यांना वाचविण्याचे प्रयत्न असफल ठरल्याची माहिती स्थानिकांकडून देण्यात आली.
मोटार चालक संतोष बाबू बिर्जे (रा. बुधवळे, ता. मालवण) पळून जाऊ नये, यासाठी स्थानिकांनी त्याला रात्री पोलिस ठाण्यात हजर केले. त्याच्यावर गुन्हा दाखल करण्यात आला. त्याला आज न्यायालयात हजर केल्यानंतर जामीन मिळाला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.