गुहागर - सध्या जगभरासह देशातही कोरोनाणे थैयामान घातले आहेत. कोरोनाचा संसर्ग पसरू नये म्हणून देशभरात लाॅकडाऊन जाहीर केला आहे. यामध्ये सर्व प्रकारच्या राजकीय, सांस्कृतीक, क्रीडा, धार्मिक कार्यक्रमांवर बंदी घालण्यात आली आहे. परंतु, असे असतानाही काही ठीकाणी नियम डावलून असे कार्यक्रम घेतले जात आहेत. गुहागरमध्येही असाच एक लग्नसमारंभ पार पडला. या समारंभात वधू आणि वर लग्न बेडीत आडकले, मात्र गावच्या पोलिस पाटलासह समारंभाला उपस्थित सर्व नातेवाईक आणि लग्न लावणारा भटजीही पोलिसांच्या बेडीत अडकले आहेत. 

हे पण वाचा - बेळगावातील तो ऑडिओ बनावट ; संशयितावर गुन्हा दाखल

याबाबत अधिक माहिती अशी,  लाॅकडाऊन असतानाही गुहागर तालुक्यातील कोसबीवाडीत शंभर सव्वाशे नातेवाईकांच्या उपस्थितील एक लग्न समारंभ पार पडला. या समारंभाची पोलिसांना माहिती मिळताच पोलिसांनी गटनास्थळी धाव घेत उपस्थितांवर कारवाई केली. विशेष म्हणजे पोलिसांनी यावेळी सरकारचा आदेश डावलून लग्न समारंभास उपस्थित असलेला गावचा पोलिस पाटील आणि भटजीवरही गुन्हा दाखल केला आहे.  पोलिस काॅन्स्टेबल संतोष साळसकर, पोलिस उपनिरीक्षक किरणकुमार कदम यांच्या पथकाने ही कारवाई केली. 

हे पण वाचा - लोककलावंतांवर आली उपासमारीची वेळ ; सरकारकडून मदतीची अपेक्षा 

यात वराचे वडील अनंत वेले, वधूचे वडील प्रकाश हारेकर, पोलिसपाटील सिध्दोधन मोहिते, भटजी संजय जोशी यांच्यावर गुहागर पोलिस ठाण्यात गुन्हा दाखल झाला आहे.