कुडाळ (सिंधुदुर्ग) : स्वॅब (Swab) न घेताच येथील एका महिलेचा रिपोर्ट आरोग्य विभागाने (Health Department Sindhudurg) पॉझिटिव्ह दिल्याने या गंभीर बाबीकडे माजी जिल्हा परिषद अध्यक्ष दिपलक्ष्मी पडते व भाजप महिला कुडाळ अध्यक्ष ममता धुरी(Mamta Dhuri) यांनी जिल्हाधिकारी के. मंजुलक्ष्मी (K. Manjulaxmi)व तहसीलदार अमोल पाठक (Amol Pathak) यांचे लक्ष वेधले.

health department gave a positive report woman without taking a swab crime case sindhudurg

येथील एका महिलेला बाहेरगावी जायचे होते. यासाठी कोरोना टेस्ट आवश्‍यक असते म्हणून त्या ७ मे रोजी महिला रुग्णालय कुडाळ येथे गेल्या. त्यांची नावनोंदणी करण्यात आली व तुम्हाला बोलावण्यात येईल, असे रुग्णालयातून सांगण्यात आले; मात्र त्याचवेळी त्याचे बाहेरगावी जाणे चार दिवस लांबणीवर गेले. त्यामुळे त्यांनी स्वॅब दिला नाही.

दुसऱ्या दिवशी शनिवारी (ता. ८) रिपोर्ट पॉझिटिव्ह आल्याचा फोन त्यांना आला. स्वॅब न घेताच रिपोर्ट पॉझिटिव्ह आल्याच्या धक्‍याने त्या गोंधळून गेल्या. आरोग्य यंत्रणेच्या या कारभाराबाबत संताप व्यक्त करीत त्यांनी कोरोना महामारी संकटात या गंभीर बाबीबाबत माजी जिल्हा परिषद अध्यक्ष पडते व भाजप कुडाळ शहर महिला अध्यक्ष ममता धुरी यांचे लक्ष वेधले. या गंभीर बाबीकडे जिल्हाधिकारी के. मंजुलक्ष्मी व येथील तहसीलदार अमोल पाठक यांचे निवेदन देऊन लक्ष वेधले व या गंभीर प्रकरणाची चौकशी व्हावी, अशी मागणी केली.

health department gave a positive report woman without taking a swab crime case sindhudurg