heavy rain kharepatan sindhudurg district 
कोकण

खारेपाटणला पुन्हा ढगफूटीसदृश पाऊस 

अनिकेत जामसंडेकर

खारेपाटण (सिंधुदुर्ग) - खारेपाटण परिसरात आज ढगफुटी सदृश्‍य पाऊस झाला. याचा फटका शेतकऱ्यांना बसला. पावसामुळे परिसरातील नदी-नाल्यांना पाणी आले आहे. हे पाणी लगतच्या शेतांमध्ये घुसल्याने भातशेतीचे तसेच भाजीपाला शेतीवर मातीचा गाळ बसल्याने ती गाडली गेली. 

परिसरात गेले आठवडाभर सातत्याने पाऊस पडत असल्याने यापूर्वी भात शेती व उरलीसुरली शेतीही या ढगफुटी पावसाने गाडली व शेतकऱ्याचे अतोनात नुकसान झाले आहे. शासनाने खरेपाटण परिसरात ओला दुष्काळ जाहीर करावा, अशी मागणी परिसरातील शेतकऱ्यांमधून होत आहे. 

खारेपाटण दशक कृषीतील चिंचवली, तिथवली, दीक्षित, शेरपे गंगावणे नडगिवे वाईंगणी भागात सुमारे पाच तास अक्षरशः ढगफुटीसदृश पाऊस झाला. खारेपाटण व आजूबाजूच्या परिसरात मोठा पाऊस झाल्याने सखल भागातील रस्त्यांवर पाणी साचले एकाचवेळी मोठ्या प्रमाणात पाणी आल्याने हे पाणी शेतामध्ये घुसले. यामुळे शेतीचे भाजीपाल्याचे मोठे नुकसान झाले. पावसामुळे खारेपाटण बाजारपेठ जलमय झाली.

पावसाबरोबर वादळी वारे वाहत असल्याने निसर्गाचे रौद्ररूप काळजात धडकी भरणारे होते. बाजारपेठ मुख्य मार्गावर पाणीच पाणी झाल्याने मार्गाला नाल्याचे स्वरूप आले होते. यावेळी दुकानदारांनी आपली दुकाने बंद केली; मात्र पावसाचा जोर कायम असल्याने बाजारपेठेत शुकशुकाट जाणवत असून विक्रीसाठी आलेल्या मालाला गिराईक नसल्याने शेतकऱ्यांप्रमाणे व्यापारीही चिंतेत आहे. 

पावसाळा संपणार कधी? 
कोरोनामुळे गेले दहा दिवस व्यापारी पेठ बंद होती. नवरात्र उत्सव दहा दिवसांवर आला असून तरी पाऊस तरी पाऊस थांबत नसल्यामुळे हा पावसाळा संपणार तरी केव्हा असा सवाल नागरिकांमधून व्यक्त होत आहे. पावसामुळे शूक नदीच्या पातळीत वाढ झाली आहे. 

संपादन - राहुल पाटील

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

अमेरिकेने इराणविरुद्धच्या युद्धात एक्स्पायर झालेली क्षेपणास्त्रे वापरली; सिनेट आर्म्ड सर्व्हिसेस कमिटीसमोर सुनावणी

Truck Bike Accident : तेरवीहून परतताना पती-पत्नी ठार; शिंदोला मार्गावर ट्रक-दुचाकीचा भीषण अपघात

Chadrapur Crime : चंद्रपूर हादरले! चौकात कवटी, रेल्वे पटरीलगत मृतदेह; दोन्ही अवयव एकाच व्यक्तीचे असल्याचा संशय

Dengue-Like Infection : मुंढेत ४० जणांना डेंगीसदृश्य लागण; गावात खळबळ

Amravati Fire : वलगाव मार्गावरील हबीब नगर परिसरात शॉर्टसर्किटमुळे आग लागल्याची शक्यता; अडीच ते तीन तासांच्या प्रयत्नांनंतर अग्निशमन दलाने आगीवर मिळवले नियंत्रण

SCROLL FOR NEXT