कुडाळ (सिंधुदुर्ग) - अतिवृष्टीमुळे सरंबळ येथील डोंगर खचला असून तेथील पाच घरे धोक्‍याच्या छायेत आहेत. मुसळधार पावसामुळे येथील भंगसाळ नदीचे जुने पूल पाण्याखालीच आहे तर आंबेडकर नगराला पाण्याने वेढले आहे. ग्रामीण भागातही ठिकठिकाणी पुलावर पाणी आले होते. 

गेल्या दोन दिवसांपासून मुसळधार पावसाने सुरुवात केल्यामुळे येथील शहरातील भंगसाळ नदीचे जुने पूल पाण्याखाली गेले. आंबेडकर नगरात दरवर्षीप्रमाणे यंदाही घरांना पाण्याने वेढले. पावशी बेलनदीला सुद्धा पाणी आले; मात्र वाहतुकीवर परिणाम झाला नाही. काल रात्रीपासून लागत असलेल्या संततधार पावसामुळे पणदूर गावात हातेरी नदीला पूरसदृश स्थिती निर्माण झाली आहे. या पुराच्या पाण्यामुळे नुकतेच लावणी केलेले क्षेत्र पूर्णपणे पाण्याखाली गेले आहे. त्यामुळे शेतकरी वर्ग चिंतेत आहे. 

सरंबळ डोंगराचा धोका 
येथील सरबळ डोगराच्या पायथ्याशी पाच घरे आहेत या ठिकाणी झरे असल्याने डोगर खचण्याची प्रक्रिया सुरु आहे गेल्यावर्षीपासून डोगर कोसळत असल्याने यावर्षी तेथिल घरांना धोक्‍याच्या छायेत वावरावे लागत आहे

संपादन ः राहुल पाटील