The jail superintendent's bail was rejected 
कोकण

अटकपूर्व जामीन फेटाळला, तुरुंग अधीक्षक अडचणीत, काय आहे प्रकरण?

भूषण आरोसकर

सावंतवाडी (सिंधुदुर्ग) - येथील कारागृहात कैदी राजेश गावकर यांच्या मृत्यूप्रकरणी गुन्हा दाखल झाल्यानंतर अटकेची टांगती तलवार असलेले तुरुंग अधीक्षक योगेश पाटील यांचा अटकपूर्व जामीन अर्ज मुंबई उच्च न्यायालयाने फेटाळून लावला. त्यामुळे त्यांना अटक होण्याची शक्‍यता निर्माण झाली आहे. 

गेल्या वर्षी 19 डिसेंबरला राजेश गावकरला तुरुंग अधीक्षक पाटील व सुभेदार झिलबा पांढरमिसे या दोघांनी तुरुंगाच्या लाल गेटजवळ लाथाबुक्‍क्‍यांनी आणि लाठ्यांनी मारहाण केली होती. तो आजारी असूनही त्याला दोघांनी प्रचंड मारहाण केली. येथील पोलिस ठाण्यातील तपास अधिकाऱ्यांनी सरकारी वकील एस. व्ही. गावंड यांच्यामार्फत न्यायधिश अजय गडकरी यांच्यासमोर व्हिडिओ कॉन्फरन्सिंगद्वारे झालेल्या सुनावणीत कैदी राजेशला बरे वाटत नसल्याचे एका कैद्याने कळवल्यानंतर सुभेदार झिलबा त्यांच्या कोठडीत गेला.

त्यानंतर झिलबाने पाटील यांना कळवल्यानंतर राजेशला रुग्णालयात हलवले; परंतु डॉक्‍टरांनी त्याला मृत घोषित केले. राजेशच्या मृत्यूनंतरच्या पंचनाम्यात त्याच्या शरीरावर गंभीर जखमांच्या खुणा नमूद नाहीत. त्याच्यासोबतच्या कैद्यांनीही अधीक्षकांविरोधात जबाबात कोणताही आरोप केला नव्हता, असा युक्तिवाद अर्जदारांतर्फे ऍड. एन. एन. गवाणकर यांनी मांडला; मात्र राजेशच्या शरीरावर जखमांच्या 17 खुणा आणि त्यातील सहा जखमा या त्यांच्या डोक्‍यावर असल्याचे विच्छेदन अहवालात नमूद आहे.

शिवाय राजेशच्या डोक्‍यावरील जखमा आणि अंतर्गत जखमा तो पडल्यामुळे होण्याची शक्‍यता कमी असून एखाद्या कडक वस्तूने जोरात मारल्याने त्या झाल्या आहेत, असा अहवाल राजे छत्रपती शाहू महाराज सरकारी मेडिकल कॉलेजच्या फॉरेन्सिक विभागाच्या प्रमुखांनी 24 जानेवारी 2020 ला दिला, असे गावंड यांनी निदर्शनास आणले. त्याची गंभीर दखल न्यायमूर्तींनी घेतली. विच्छेदन अहवाल आणि सह कैद्यांचे नंतरचे जबाब लक्षात घेता आरोपींविरोधात गंभीर आरोप आहेत आणि त्यांची कोठडीतील चौकशी केल्याविना सत्य बाहेर येऊ शकणार नाही. त्यामुळे ते अटकेपासून संरक्षणासाठी पात्र ठरत नाहीत, असे निरीक्षण नोंदवून न्यायधिश गडकरी यांनी त्यांचा अर्ज फेटाळला. त्यामुळे या प्रकरणात तुरुंगाधिकारी योगेश पाटील यांना अटक होण्याची शक्‍यता आहे.  

संपादन - राहुल पाटील

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

अमेरिकेने इराणविरुद्धच्या युद्धात एक्स्पायर झालेली क्षेपणास्त्रे वापरली; सिनेट आर्म्ड सर्व्हिसेस कमिटीसमोर सुनावणी

Truck Bike Accident : तेरवीहून परतताना पती-पत्नी ठार; शिंदोला मार्गावर ट्रक-दुचाकीचा भीषण अपघात

Chadrapur Crime : चंद्रपूर हादरले! चौकात कवटी, रेल्वे पटरीलगत मृतदेह; दोन्ही अवयव एकाच व्यक्तीचे असल्याचा संशय

Dengue-Like Infection : मुंढेत ४० जणांना डेंगीसदृश्य लागण; गावात खळबळ

Amravati Fire : वलगाव मार्गावरील हबीब नगर परिसरात शॉर्टसर्किटमुळे आग लागल्याची शक्यता; अडीच ते तीन तासांच्या प्रयत्नांनंतर अग्निशमन दलाने आगीवर मिळवले नियंत्रण

SCROLL FOR NEXT