रत्नागिरी : शहरातील माळनाका येथील तारा पार्कच्या बी विंगच्या टेरेसवर खेळणाऱ्या अकरावर्षीय बालिकेचा कपड्यात अडकून मृत्यू झाल्याची धक्कादायक घटना आज रात्री घडली.  

सुधीर चुनेकर पत्नी, दोन मुलांसह राहतात. काल सायंकाळी सर्वजण घरात असताना मुलगी कनिका चुनेकर ही टेरेसवर दोरीवर वाळत टाकलेल्या कपड्याजवळ ती खेळत होती. परंतु, बराच वेळ ती घरी न परतल्याने आई तिला शोधण्यासाठी टेरेसवर गेली. तिथे कनिका गळ्यात कपडा अडकलेल्या स्थितीत आढळली. आईने आरडाओरड केली. इतर घरातील सदस्य धावत आले. त्यांनी कनिकाला जिल्हा शासकीय रुग्णालयात दखल केले. परंतु, तिचा मृत्यू झाल्याचे वैद्यकीय अधिकाऱ्यांनी घोषित केले.

हेही वाचा - नोकरीसाठी मुलाखत देऊन येतो, असे सांगून घरातून बाहेर पडला अन् केली आत्महत्या

संपादन - स्नेहल कदम