कणकवली (रत्नागिरी) : तालुक्‍यातील एका विवाहितेवर जंगलमय भागात नेऊन तिच्यावर अत्याचार केल्याप्रकरणी संशयितास पोलिसांनी अटक केली आहे. बाबाजी तुकाराम मुळये (वय ३४ रा. बिडवाडी) असे त्या संशयिताचे नाव आहे. उद्या (ता.१३) त्याला येथील न्यायालयात हजर करण्यात येणार आहे.
पीडित महिला ही एका गावांमध्ये कामाला होती. त्यावेळी संशयिताची आणि तिची ओळख झालेली होती. संशयित हा आपल्या गाडीतून काही महिलांना घरी सोडत होता. त्यामुळे ओळख झाली होती. दरम्यान, काल (ता.११) सायंकाळी पावणेसातच्या सुमारास फिर्यादी महिला ही कणकवलीतून आपल्या घरी दुचाकीने जात होती. यावेळी दुचाकी ही पंक्‍चर झाली होती.
तिच्याजवळ तो आला अन्..
संशयित हा यावेळी तिच्याजवळ आला. त्याने दुचाकीचे पंक्‍चर काढण्यासाठी मदत केली. त्यानंतर फिर्यादी महिलाही आपल्या घरी जाण्यासाठी निघाली होती. संशयिताने आपल्या मोटरसायकलने पाठलाग करून तिला वाटेत गाठले. तिच्या दुचाकीसमोर गाडी लावून तिला तिच्याच गाडीवर बसून एका जंगलमय भागात नेले. तेथे तिच्यावर अत्याचार करून आपल्या मोबाईलमध्ये फोटो काढले. तिला मारण्याचा प्रयत्न केला. याबाबतची माहिती तिने पतीला दिल्यानंतर फिर्याद दाखल करून गुन्हा नोंदविण्यात आला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.