कोकण रेल्वेची वाहतूक आज पहाटेपासून विस्कळीत झाली आहे. रविवारी पहाटेच्या सुमारास रेल्वे ठप्प झाली आहे. शनिवारी रात्री छत्रपती शिवाजी महाराज टर्मिनसहून निघालेली कोकणकन्या एक्सप्रेस (KonkanKanya Express) विलवडे स्थानकात थांबली आहे. सकाळी पाच वाजल्यापासून ही रेल्वे खोळंबली आहे.
कोकण कन्या एक्सप्रेसच्या इंजिनात बिघाड झाल्याचं समोर आलं आहे. त्यामुळे विलवडे रेल्वे स्थानकात कोकणकन्या एक्सप्रेस थांबली आहे. जवळपास तीन तासांपासून ही रेल्वे सेवा कोलमडली आहे. कधीपर्यंत वाहतूक पूर्ववत होईल, इंजिन दुरुस्त होईल, याबद्दल अद्याप अधिकृत माहिती उपलब्ध नाही. तसंच इंजिनात नेमका काय बिघाड झालाय, हेही समोर आलेलं नाही.
मुंबईतल्या छत्रपती शिवाजी टर्मिनसवरून शनिवारी रात्री ११ वाजून ५ मिनिटांनी ही रेल्वे सुटली होती. पहाटे साडेपाचच्या सुमारात रत्नागिरी सोडल्यावर विलवडे स्थानकाच्या दिशेने जात असताना गाडीच्या इंजिनात बिघाड झाला. त्यानंतर विलवडे स्थानकावरच कोकणकन्या एक्सप्रेस थांबून आहे. ही ठप्प झालेली रेल्वेसेवा कधी पूर्ववत होणार, याबद्दलचं चित्र अस्पष्ट असल्याने प्रवासी चिंतेत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.