खेड : तालुक्यातील लोटे औद्योगिक वसाहतीमध्ये रविवारी ता. २२ रोजी सायंकाळी ३ वाजण्याच्या सुमारास अचानक आग लागली आहे. सुमारे एक तासाच्या प्रयत्नांनंतर अग्निशमन दलाने ग्रामस्थांच्या मदतीने आगिवर नियंत्रण मिळवले असून आग लागण्याचे निश्चित कारण समजू शकलेले नाही. खेड तालुक्यातील लोटे औद्योगिक वसाहतीमधील संकल्प इंडस्ट्रीज या लहान कारखान्यात रविवारी ता. २२ रोजी सायंकाळी ३ वाजण्याच्या सुमारास अचानक आग लागली.
धुराचे हवेत पसरलेले लोळ पाहून परिसरातील ग्रामस्थ व इतर कंपन्यांतील कामगारांनी घटनास्थळी धाव घेतली. लोटे औद्योगिक विकास महामंडळाच्या अग्निशमन दलाच्या दोन गाड्यांची संकल्प कंपनीत लागलेली आग विझवण्यासाठी प्रयत्न सुरू केले. कंपनीमध्ये धोकादायक पद्धतिने ठेवण्यात आलेल्या रसायनांनी पेट घेतल्याचे काही प्रत्यक्षदर्शी यांनी सांगितले. एक तासांच्या प्रयत्नानंतर आगीवर नियंत्रण मिळवण्यात यश आले असून कंपनीत झालेल्या नुकसानीचा आढावा घेण्याचे काम सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.