कुडाळ (सिंधुदुर्ग) : सप्तरंगांची उधळण करीत कुडाळ  शहरात  दीड दिवसाचा होळी सण उत्साहात जल्लोषात साजरा करण्यात आला  सप्तरंगात सगळे न्हाऊन निघाले होते दरवर्षीप्रमाणे यंदाही सर्वपक्षीय या होळी सणाच्या निमित्ताने एकत्र आले होते.

 सिंधुदुर्ग जिल्ह्यात  कालपासून होळी सणाला  सुरुवात झाली आहे. जिल्ह्यात ठिकठिकाणी  दीड दिवसांपासून ते पंधरा दिवस, एक महिना असा होळी सण असतो. कुडाळ शहराचा दीड दिवसाचा हा सण असतो. आज या होळी सणाच्या निमित्ताने कुडाळ शहरात नाक्यानाक्यावर सर्वजण युवक-युवती पासून ज्येष्ठ या धूलिवंदन सोहळ्यात सहभागी झाले होते. मोटरसायकलवरून धूम स्टाईल पद्धतीने होळी सण साजरा करू नये या दृष्टिकोनातूनही पोलिसांची करडी नजर कार्यरत होती.

हेही वाचा- कोणी मानधऩ देता का मानधन...सरपंचांची हाक

बुरा ना मानो  होली हे

कुडाळ शहरात जिजामाता चौक,  शिवाजी नगर, गांधीचौक, बाजारपेठ, भैरव मंदिर, केळबाई मंदि,र गवळदेव, संत राऊळ, महाराज चौक, उदयमनगर या महत्वाच्या ठिकाणी होळी सण युवक, युवती, चिमुकले यांनी आनंदात  उत्साहात साजरा केला. या होळी सणाच्या निमित्ताने सर्वपक्षीय एकत्र आले होते. रंगांची उधळण करीत हा सण अधिक दृगुणित  करण्यासाठी प्रत्येक जण सहभागी झाला होता. या सणाच्या निमित्ताने डीजेच्या तालावर रंगाची उधळण करीत बेधुंद नाचताना युवक-युवती मोठ्या उत्साहात कार्यरत होती  बुरा ना मानो आज होली हे असे सांगत एकमेकाला रंग फासत होते