कुडाळ : शहरातील महालक्ष्मी मंदिर नजीकच्या सोसायटीमध्ये एकाचवेळी तब्बल २० वीजमीटर शॉर्टसर्किटमुळे जळाल्याने एकच धावपळ उडाली. सुदैवाने कोणतीही मोठी हानी झाली नाही. वीज कंत्राटी कर्मचाऱ्याने या इमारतीच्या तिसऱ्या मजल्यावर असलेल्या तीन मुलांना सुखरूप खाली आणल्यामुळे त्यांचे कौतुक होत आहे.

याबाबत अधिक माहिती अशी की, आज सकाळी शहरातील महालक्ष्मी मंदिर नजीकच्या इमारतीमधील विजमीटरचे शॉर्टसर्किट झाले. त्यामुळे एकाच वेळी 20 वीजमीटर जळून खाक झाले. ते मीटर पूर्णतः जळून खाक झाले. त्यामुळे सर्वत्र धूर पसरला आणि नागरिकांची एकच धावपळ उडाली.

अशाच परिस्थितीत नागरिकांनी गांभीर्य ओळखून इमारतीमधून खाली उतरले. अशा परिस्थितीत तिसऱ्या मजल्यावर चार वर्षाच्या मुलासह अन्य दोन मुले होती. वीज कंत्राटी कर्मचारी अंकुश चव्हाण व विवेक हुले यांनी धाडस करून दुसऱ्या इमारतीवरून तिसऱ्या मजल्यावर जाऊन या तिन्ही मुलांना सुखरूप खाली आणले. त्यामुळे या दोघांचे कौतुक होत आहे.