ASHA Workers in Delhi:दिल्ली येथे देशातील आशा सेविकांनी आपल्या विविध मागण्यांसाठी आशा संघर्ष रॅली काढली. यात सिंधुदुर्ग जिल्ह्यातील आशा व गटप्रवर्तक यांनी जंतर मंतर येथे जोरदार निदर्शने करत शासनाचे लक्ष वेधले. यावेळी जिल्ह्यातील ५० आशा सेविका सहभागी झाल्या. मानधन वाढ आणि इतर मागण्यांसाठी दिल्लीत देशातील आशा वर्कर्सनी आंदोलन करीत मोर्चा काढला. या मोर्चात सिंधुदुर्ग जिल्ह्यातील ५० आशा वर्कर्सनी सहभाग दर्शविला.

आशा वर्कर्सना राज्याकडून मानधन देण्यात येते. केंद्र सरकारही राज्याला आशा कर्मचाऱ्यांना मानधन देण्यासाठी निधी देते. तो निधी अपुरा आहे. शिवाय राज्याला तो वेळेवर मिळत नसल्यामुळे आर्थिक कुचंबणा होते. त्यामुळे आम्ही या मोर्चात सहभाग दर्शविला, असे कुणकेरीतील आशा कर्मचारी रूची गावडे यांनी सांगितले. (Latest Marathi News)