ओरोस (सिंधुदूर्ग) :  जिल्ह्यात 2010-11 ते 2019-20 या दहा वर्षांत जिल्हा परिषदेच्या माध्यमातून महात्मा गांधी राष्ट्रीय ग्रामीण रोजगार हमी योजनेंतर्गत ग्रामीण भागात 20 हजार 194 कामे पूर्ण झाली आहेत. 10 हजार 536 कामे सुरू आहेत, अशी माहिती ग्रामपंचायत विभाग उपमुख्य कार्यकारी अधिकारी दीपाली पाटील यांनी दिली. 

केंद्राने देशातील ग्रामीण भागातील मजुरांना रोजगार मिळावा, त्यांच्या हाताला रोज काम मिळावे, या उद्देशाने महात्मा गांधी राष्ट्रीय ग्रामीण रोजगार हमी योजना सुरू केली होती. या योजनेत 60/40 असा रेशो ठरविण्यात आला आहे. एखाद्या कामाला येणाऱ्या खर्चाच्या 60 टक्के खर्च हा अकुशल कामासाठी म्हणजेच मजुरीसाठी खर्च केला जातो. तर 40 टक्के खर्च हा कुशल कामावर खर्च केला जातो. यासाठी जिल्हाधिकारी व मुख्य कार्यकारी अधिकारी यांच्या नियंत्रणाखाली काम करण्यासाठी स्वतंत्र यंत्रणा आहे. जिल्हा परिषद अंतर्गत जिल्ह्यातील ग्रामपंचायत यांच्या माध्यमातून रोजगार हमीची कामे केली जातात. 

हेही वाचा - घराचे स्वप्न आणखी महागणार

 ग्रामपंचायतच्या माध्यमातून 20 हजार 194 कामे पूर्ण 

जिल्हा परिषद अंतर्गत ग्रामपंचायतच्या माध्यमातून नवीन वैयक्तीक विहीर, संरक्षक भिंत, गुरांचे गोठे, कुक्कुटपालन शेड, शेळी-मेंढी शेड, प्रधानमंत्री व राजीव गांधी आवास योजनेतील मंजूर घरांचा पाया खोदाई, बंधारे बांधणे, रस्ते, गांडूळ खत प्रकल्प, फळबाग लागवड, बांबू लागवड, शौचालय, शोषखड्डे आदी कामे घेतली जातात. 2010-11 पासून 30 हजार 730 कामांना मंजुरी जिल्हा परिषद यंत्रणेमार्फत देण्यात आली होती. त्यातील 20 हजार 194 कामे पूर्ण झाली आहेत. 10 हजार 536 कामे सुरू आहेत. 

 क्लीक करा - बळीराजा विचारतोय, हेक्‍टरी 25 हजारचे स्वप्न पूर्ण होणार का?

महात्मा गांधी राष्ट्रीय ग्रामीण रोजगार हमी योजना 
2010-11 ते 2019-20 पर्यंतच्या कामांचा तक्ता 

*तालुका * एकूण मंजूर कामे * पूर्ण झालेली कामे * सुरू असलेली कामे 

* देवगड * 3240 * 1619* 1621 
*दोडामार्ग*1941* 1251*690 
*कणकवली*4238*2506*1732 
*कुडाळ*4884*3264*1620 
*मालवण*8981*6869*2049