मालवण - मालवण आगारातून मुंबई, पुणे या लांब पल्ल्याच्या मार्गावर विशेष बसफेऱ्यांचे नियोजन केले आहे. यात मुंबईच्या चाकरमानी प्रवाशांच्या मागणीनुसार मालवण-मुंबई ही "रातराणी' बस रविवारी सायंकाळपासून सुरू करण्यात आली, अशी माहिती आगार व्यवस्थापक नरेंद्र बोधे यांनी दिली.
मालवण आगारातून मुंबई व पुणे येथे जाण्यासाठी साधी बस, हिरकणी व शिवशाही बसचे नियोजन केले आहे. कोल्हापूर-पुणे मार्गावर दोन शिवशाही, एक साधी परिवर्तन व एक हिरकणी बस सोडण्यात येते. मुंबई मार्गावर सकाळच्या सत्रात मालवण-मुंबई ही एकमेव बसफेरी सुरू होती. उन्हाळी सुट्टीच्या हंगामात प्रवाशांच्या मागणीप्रमाणे 19 मे ते 6 जून या कालावधीत 'रातराणी' बसफेरी सुरू करण्यात आली आहे.
मालवण ते मुंबई ही बस मालवण बसस्थानकातून सायंकाळी चार वाजता सुटणार आहे. तसेच रातराणी बससेवा साधी परिवर्तन बसमधून होणार असल्याने प्रवाशांचा प्रवासही आवाक्‍याच्या दरात होईल. मुंबई मार्गावर बसफेरी सुरू करण्यात आल्याने परतीचा प्रवास करणाऱ्या प्रवाशांमधून समाधान व्यक्त केले जात आहे, असे बोधे यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.