ओरोस - चिखलफेक प्रकरणात अटक असलेले आमदार नितेश राणे यांना आज सिंधुदुर्ग जिल्हा सत्र न्यायालयाने जामीन दिला. तसेच या प्रकरणातील अठरा जणांनाही जामीन मंजूर झाला आहे. पुन्हा भविष्यात अशा प्रकारचा गुन्हा न करण्याच्या न करण्याची अट यावेळी घालण्यात आली आहे.
दरम्यान राणे यांना काल 23 तारखेपर्यंत न्यायालयीन कोठडी सुनावण्यात आली होती. त्यानंतर त्यांनी जामीन मिळवण्यासाठी अर्ज केला होता. त्यांच्या अर्जावर आज ओरोस येथील सिंधुदुर्ग जिल्हा सत्र न्यायालयात सुनावणी झाली. यामध्ये राणे यांच्यासह अटकेत असलेल्या सर्व आरोपींना जामीन देण्यात आला आहे.
दरम्यान जामीन मंजूर करताना काही अटी घातल्या आहेत. दर रविवारी कणकवली पोलिस स्टेशनमध्ये हजेरी लावावी तसेच अशा प्रकारचा गुन्हा पुन्हा करू नये अशा त्या अटी आहेत. प्रत्येकी वीस हजार रुपयांच्या जातमुचलक्यावर देण्यात आला आहे. आमदार नितेश राणे यांची सुटका झाल्याने सर्वत्र जल्लोष होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.