रत्नागिरी : जिल्ह्यात कोरोनाबाधितांचा आकडा गुरुवारी दोनशेच्या पार गेला असून, एकूण रुग्ण संख्या २०८ झाली आहे.
गुरुवारी रात्री उशिरा आलेल्या अहवालात १२ रुग्णांचे अहवाल पॉझिटिव्ह आले आहेत. यामध्ये संगमेश्वर तालुक्यात चार जण त्यातील तिघेजण मेगी गावातले आहेत. चिपळूण तालुक्यातील दोन जण पॉझिटिव्ह असून दोघेही वाघिवरे गावांमधील रहिवासी आहेत. तर दापोली रत्नागिरी तालुक्यांमध्ये प्रत्येकी तीन पॉझिटिव्ह रुग्ण सापडले आहेत.आतापर्यंत ७६ रुग्णांना बरे झाल्यानंतर घरी सोडण्यात आले आहे.
दरम्यान, बुधवारी रात्री पॉझिटीव्ह सापडलेल्या १२ जणांमध्ये आमदार चालकाचा समावेश आहे. बुधवारी रात्री पॉझिटीव्ह अहवाल आलेल्या बाराजणांपैकी ६ जण रत्नागिरी जिल्हा रुग्णालयात आहेत. जिल्ह्यात होम क्वारंटाईनची संख्या मोठ्या संख्येने वाढत आहे. बुधवारी ही आकडेवारी ८९ हजार १२८ वर गेली होती.
जिल्ह्यात अद्याप २०३ जणांना संस्थात्मक क्वारंटाईन करुन त्यांच्यावर उपचार करण्यात येत आहेत. जिल्हा रुग्णालयात ६४, कामथे उपजिल्हा रुग्णालयात ११, उपजिल्हा रुग्णालय कळंबणी येथे ११, गुहागर ग्रामीण रुग्णालयात ३, खेड तहसीलदार अंतर्गत ६३, रत्नागिरी तहसीलदार २९, संगमेश्वर तहसीलदार यांच्या अंतर्गत ४ जणांना संस्थात्मक क्वारंटाईन करण्यात आले आहे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.