सिंधुदुर्ग :  जुन्या शिवसैनिकांची ठाकरे सरकारमध्ये अवस्था इतकी वाईट झाली आहे की सभागृहात "आम्ही मेल्यावर बाळासाहेबांना काय सांगणार" असं बोलून गेले. उद्धव ठाकरे फक्त ३५ टक्के शिवसेनेचा मुख्यमंत्री आहे. शिवसेनेत सर्व्हे आणि प्रमुख पदासाठी मतदान झालं तर उद्धव ठाकरे पक्षप्रमुख पण राहणार नाही. असा निशाना खासदार निलेश राणे यांनी आपल्या ट्विटर अकाउंट वरून मुख्यमंत्री उद्धव ठाकरेंवर साधला आहे.

अर्थसंकल्पीय अधिवेशनात कामकाज सुरू असताना इंग्रजी भाषेच्या वापराला दिवाकर रावते  यांनी विरोध केला होता. मराठी भाषेच्या मुद्द्यावरून दिवाकर रावते यांनी शिवसेनेला  धारेवर धरले होते. सभागृहात कामकाज सुरू असताना इंग्रजी भाषेचा वापर होतो हा प्रकार हास्यास्पद आहे. शिवसेनेचे पक्षप्रमुख उद्धव ठाकरे यांनी मराठी भाषेच्या संवर्धनासाठी एकही शब्द व्यक्त केले नाहीत अशी खंत दिवाकर रावते यांनी विधान परिषदेत व्यक्त केली होती.

हेही वाचा- ..म्हणून मीच शौर्याला बुडवून मारले ; आईच्या निर्दयी उत्तराने पोलिसही चक्रावले -

 रावते पुढे म्हणाले की, मी मेल्यावर साहेबांना भेटलो तर मराठी भाषेसाठी काय केलं तर मी काय उत्तर देऊ असा संतापही त्यांनी व्यक्त केला. दिवाकर रावते यांच्या या विधानावरून माजी खासदार निलेश राणे यांनी उद्धव ठाकरे यांच्यावर निशाणा साधला.

 निलेश राणे म्हणाले,उद्धव ठाकरे फक्त 35 टक्के शिवसेनेचा मुख्यमंत्री शिवसेनेचे सर्वे आणि प्रमुख पदासाठी मतदान झाले ते उद्धव ठाकरे पक्षप्रमुख राहणार नाही अशी टीकाही यावेळी निलेश राणे यांनी केली.

संपादन-अर्चना बनगे