रत्नागिरी: केंद्रीय मंत्र्याला अटक करून काय पराक्रम केला. दरोडेखोरांना अटक करावी तशी मला अटक केली. दादागिरी करू नका वाट्याला जाऊ नका, मी टप्प्याटप्प्याने प्रकरण बाहेर काढणार आहे. असा सूचक इशारा केंद्रीय मंत्री नारायण राणे यांनी मुख्यमंत्री उद्धव ठाकरे यांना दिला. रत्नागिरीत जन आशीर्वाद यात्रे दरम्यान ते बोलत होते.

पुढे ते म्हणाले, घरात बसून आम्हाला कारभार करायचा नाही.आपल्याच वहिनीवरती ॲसिड फेकायला कोणी सांगितलं होतं. मुख्यमंत्री उद्धव ठाकरे यांनी नारायण राणे यांना व्हायरस ची उपमा दिली . याला प्रत्युत्तर म्हणून, नारायण राणे यांनी जुन्या प्रकरणाला हात घालत गंभीर आरोप केला.

गेल्या दोन दिवसात काय प्रकार झाला आहे तुम्ही पाहताय, सहा सात -तास लोकं रस्त्यावरती थांबली हे यांच्या नशिबात नाही. पूर्वी घडलेल्या घटनेवरती पत्रकारांनी प्रश्न विचारल्यानंतर मी बोललो. दोन-अडीचशे पोलीस फौज घेऊन केंद्रीय मंत्र्याला अटक केली. काय पराक्रम केला. महाराष्ट्राची जनता अनेक प्रश्नांनी त्रस्त आहे. नैसर्गिक आपत्तीमध्ये लोक मरण पावत असतील तर, यांना पैसे द्यायला तुमच्याकडे पैसे नाहीत असा खडा सवाल नारायण राणे यांनी उपस्थित केला.

पुढे ते म्हणाले, कसली भाषणं करता, फक्त माझा घसा ठीक होऊ दे. तुम्हाला जे करायचे ते करा. दोन वर्ष झाली शोधताय तुम्हाला काय मिळालं? आम्हालाही जुन्या गोष्टी माहीत आहेत. संस्काराच्या भाषा करतांय आणि आपल्याच वहिनी वरती ॲसिड फेकताय. नाव न घेता राणेंनी केले खळबळजनक वक्तव्य.