दाभोळ : दापोली तालुक्यातील समुद्रकिनारी ऑलिव्ह रिडले (Olive Ridley Turtle) जातीच्या कासवांचे ८० अंडी असणारे घरटे आढळून आले आहे. त्यामुळे दापोलीत हे या मोसमातील दुसरे घरटे असून, मुरूड (Murud) येथे ११६ अंड्यांचे (Egg) पहिले घरटे आढळून आले आहे.

कोळथरे येथे सापडलेल्या घरट्यात ८० अंडी असून, ही अंडी वनविभाग व तेथील कासवमित्रांनी संरक्षित केली आहेत. दरवर्षी ऑलिव्ह रिडले जातीची कासवे अंडी घालण्यासाठी मुरूड, कोळथरे, आंजर्ले आधी समुद्रकिनारी येतात; मात्र यावर्षी आतापर्यंत कोळथरे व मुरूड असे दोनच ठिकाणी घरटी सापडून आली आहेत.

अंड्यातून पिल्ले बाहेर आल्यानंतर त्यांना पाण्याच्या प्रवाहात सोडताना पाहण्यासाठी अनेकांचे कुतूहल असते. त्यामुळे कासवांची पिल्ले समुद्रांच्या प्रवाहात सोडताना पाहण्यासाठी ग्रामस्थांची, पर्यटकांची उपस्थिती दर्शवत असल्याचे चित्र या वेळेला पाहायला मिळाले.