Nilesh Rane esakal
कोकण

'...तर रस्त्यात गाड्या फोडणार, गोमातेसाठी प्रसंगी कायदा हातात घेऊ, शेवटचंच सांगतोय'; नीलेश राणेंचा थेट इशारा

एका गाडीतून गोमांसाचे अवशेष रस्त्यावर पडतात. मनाला अतिशय वेदना देणारा हा कालचा प्रकार आहे.

सकाळ डिजिटल टीम

'जर दहा दिवसात हे प्रकार थांबवले नाहीत तर गाड्या आम्ही थांबवणार, त्या फोडणार आणि जिथे ही कत्तल चालते ते स्पॉट आम्ही उद्ध्वस्त करणार.'

रत्नागिरी : एका गाडीतून गोमांसाचे अवशेष रस्त्यावर पडतात. मनाला अतिशय वेदना देणारा हा कालचा प्रकार आहे. हा विषय लावून धरणाऱ्या गोसेवकांचे मनापासून कौतुक करतो; पण आज विनंती करतो परत करणार नाही. १० दिवसांत हे प्रकार थांबले नाही तर आम्ही थांबवून गाड्या फोडणार. गोमातेसाठी अंगावर गुन्हे घेऊ. प्रशासनाला शेवटचं सांगतो, हे थांबले नाही तर कायदा हातात घेणार, असा थेट इशारा माजी खासदार नीलेश राणे (Nilesh Rane) यांनी दिला.

रत्नागिरीनजीक मिरजोळे एमआयडीसी येथे काल रात्री गोमांसाचे अवशेष रस्त्यावर पडल्याने एकच खळबळ उडाली. या प्रकारानंतर भाजप नेते माजी खासदार नीलेश राणे आक्रमक झाले. एमआयडीसी-तील प्लॉट क्र. ४४ वर गुरुवारी रात्री गोमांसाचे अवशेष रस्त्यावर पडलेले दिसून आले. त्यानंतर रत्नागिरीतील नागरिक आक्रमक झाले.

दोषींवर कारवाई झाली पाहिजे आणि हे प्रकार तत्काळ बंद झाले पाहिजेत, अशी मागणी करत शुक्रवारी पहाटेपर्यंत रत्नागिरी ग्रामीण पोलिस ठाण्यात (Ratnagiri Rural Police Station) हजारो रत्नागिरीकर एकत्र आले होते. या सगळ्या प्रकारची दखल आता भाजप नेते माजी खासदार राणे यांनीही घेतली आहे. याबाबतची प्रतिक्रिया देणारा व्हिडिओ त्यांनी सोशल मीडियावर पोस्ट केला.

राणे म्हणाले, मिरजोळेतील हा प्रकार मनाला वेदना देणार आहे. रत्नागिरीमध्ये हे प्रकार गेली अनेक वर्षे सुरू आहेत. हे सगळं जर प्रशासनाला माहिती आहे तर त्यावर कारवाई का होत नाही? पोलिसांना सर्व मार्ग माहिती आहेत. हे प्रकार कोण करतं हेही माहिती आहे. मग इतके दिवस हे प्रकार थांबवले का जात नाहीत? त्यावर कारवाई का होत नाही? असा सवाल राणे यांनी उपस्थित केला. जर दहा दिवसात हे प्रकार थांबवले नाहीत तर गाड्या आम्ही थांबवणार, त्या फोडणार आणि जिथे ही कत्तल चालते ते स्पॉट आम्ही उद्ध्वस्त करणार. पोलिसांनी तत्काळ कडक कारवाई केली नाही तर गोमातेच्या रक्षणासाठी आम्ही कायदा हातात घेणार, असा थेट इशारा राणे यांनी दिला आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Loni Kalbhor News : दारु पिल्याची तक्रार केल्याच्या संशयावरून वायरमनला विटा व लाथाबुक्यांनी मारहाण; तिघांवर गुन्हा दाखल!

Latest Marathi News Live Update: चक्रीवादळाच्या धोक्यामुळे तामिळनाडूमध्ये रेड अलर्ट

Cyclone News: हिंदी महासागरात दोन चक्रीवादळे घोंघावतायत! सेन्यार अन् दित्वा वादळे कशी तयार झाली? नावे कुणी सुचवली? वाचा...

Big Breaking : फॅफ ड्यू प्लेसिसची IPL 2026 मधून माघार! पाकिस्तान सुपर लीगमध्ये खेळण्याचा निर्णय; म्हणाला, भारताने मला...

Theur Crime : शीतपेयात गुंगीचे औषध पाजून लॉजवर नेले; कथित पत्रकाराकडून विवाहितेवर अत्याचार; लोणी काळभोर पोलिसांकडून गुन्हा दाखल!

SCROLL FOR NEXT