सावंतवाडी :  नवीन कृषी विधेयक केंद्र सरकारने जाहीर केल्यामुळे शेतकऱ्याला आपला माल बाजार समितीत न ठेवता कुठेही विकण्याचे स्वतंत्र मिळणार आहे. या विधेयकाविरोधात विरोधक जाणून बुजून गैरसमज पसरवत सर्वत्र विरोध करत आहेत. केंद्र सरकारने जाहीर केलेले विधेयक शेतकऱ्यांना ताकद देण्यासाठी करण्यात आले असून कॉंग्रेस, शिवसेना, राष्ट्रवादी दिखाव्यासाठी विरोध करून आहेत. राष्ट्रवादी काँग्रेसच्या नेत्यांनी सभा त्याग केला असला तरी "ये अंदर की बात है शरद पवार हमारे साथ है" अशी मिश्किल टिपण्णी आज येथील पत्रकार परिषदेत आमदार नितेश राणे यांनी दिली.

या विधेयकामुळे सर्वच शेतकऱ्यांचा फायदा होणार असल्याने केंद्र सरकार आणि पंतप्रधान नरेंद्र मोदी यांचे जाहीर आभार मानत राणे म्हणाले, सिंधुदुर्गच्या जिल्हा आरोग्य यंत्रणेचा पुरता बोजवारा उडालेला आहे. सत्ताधाऱ्यांचा यावर कोणत्याही प्रकारचा अंकुश नाही. जिल्हा रुग्णालय यंत्रणा सक्षम नसल्याचे दिसून येत आहे. कोरोना रुग्णांचे प्रमाण घटविण्यासाठी जिल्ह्यात प्लाझमा थेरेपी होणे गरजेचे आहे. जिल्हा रुग्णालयासाठी आलेले 23 कोटीतील थोडीशी रक्कम वापरण्यात आली आहे. मुख्यमंत्री हे व्हीसी फक्त दाखवायला घेतात. बाकी त्यांचे कार्य शून्य. नारायण राणेंसारखे अनुभवी तत्कालीन पालकमंत्री जिल्ह्याला लाभले होते. आताच्या पालकमंत्र्यांनी त्यांच्या अनुभवाचा वापर करायला हवा होता. राणेंचा अनुभव यंत्रणा हाताळण्यासाठी उपयोगी पडला असता, मात्र तसे झाले नाही. जिल्हा रुग्णालयात वेंटीलेटर नाही, ऑक्सीजन सिलेंडर नाही. अशी गत आहे. सत्तारूढ पार्टी सुशेगाद आहे. 

हे पण वाचा - खेळण्याच्या आनंदातच काळाने गाठले तेरा वर्षीय मुलीला 

यावेळी जिल्हाध्यक्ष राजन तेली, नगराध्यक्ष संजू परब, नगरसेवक उदय नाईक, नगरसेवक सुधीर आडीवरेकर, नगरसेवीका दिपाली भालेकर, नगरसेवक आनंद नेवगी, शहर उपाध्यक्ष अजय गोंदावळे, बंटी पुरोहित आदी उपस्थित होते.

हे पण वाचा - कार्यकर्त्यांचा आग्रहच फार गायकवाड यांची सगळी वाहने नऊ चार नऊ चार  

संपादन - धनाजी सुर्वे