वैभववाडी (सिंधुदुर्ग) - येथील नगरपंचायतीच्या आज झालेल्या सर्वसाधारण ऑनलाईन सभेला दोन नगरसेवकांनी आक्षेप घेतला. सभा सुरू असताना दोनदा संपर्क तुटला. त्यामुळे सभेत नेमकेपणाने कोणती चर्चा झाली हे समजु शकले नाही. त्यामुळे आजच्या सभेत झालेल्या ठरावांना देखील त्या दोन्ही नगरसेवकांनी विरोध दर्शविला.
येथील नगरपंचायती आजची सर्वसाधारण सभा व्हिडीओ कॉन्फरन्सिंगद्वारे झाली. या सभेला नगरसेवक अक्षता जैतापकर आणि नगरसेवक संतोष माईणकर यांनी नगराध्यक्षांकडे आक्षेप नोंदविला. तालुक्‍यात नेटवर्कची सुविधा तितकीशी चांगली नाही. आज सभा सुरू असताना दोनदा संपर्क तुटल्याने सभेत कोणत्या विषयावर काय चर्चा झाली हे समजु शकलेले नाही. त्यामुळे आजच्या सभेत झालेल्या ठरावांना आपला विरोध राहणार आहे.
जिल्हा परिषद आणि पंचायत समितीच्या सभा सोशल डिस्टन्सिंग पाळुन घेतल्या जातात. त्याचप्रमाणे नगरपंचायतीची सभा देखील घेतली जाऊ शकते; मात्र तसे न करता व्हिडीओ कॉन्फरन्सिंगद्वारे सभा घेतली गेली. ही सभा आम्हाला मान्य नसून आजची सर्वसाधारण सभा पुन्हा घ्यावी, अशी मागणी या दोन्ही नगरसेवकांनी नगराध्यक्षांकडे केली.
नगरपंचायतीची सर्वसाधारण सभा व्हिडीओ कॉन्फरन्सिंगद्वारे घ्यावी, असा शासन निर्णय 3 जुनला झाला आहे. त्या निर्णयानुसारच सभेचे आयोजन केले होते. सर्वसाधारण सभेला 19 सदस्य असतात. तर स्थायी समिती व इतर समितीचे सदस्य कमी आहेत. त्यामुळे सर्वसाधारण सभा वगळुन अन्य सभा थेट होणार आहे.
- सुरज कांबळे, मुख्याधिकारी, वैभववाडी
संपादन - राहुल पाटील
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.