- rat६p५.jpg-
P२४M८८३१८
देवरूख नगरपंचायतीने घेतली वृक्षसंवर्धनाची शपथ.

देवरूख नगरपंचायतीतर्फे वृक्ष लागवड

सकाळ वृत्तसेवा
साडवली, ता. ६ : जागतिक पर्यावरण दिनानिमित्ताने देवरूख नगरपंचायतीतर्फे नगरपंचायत कार्यालयाच्या मोकळ्या जागेत वृक्षारोपण मोहिमेचे उद्घाटन प्रशासक तथा मुख्याधिकारी चेतन विसपुते यांच्या हस्ते वृक्षारोपण करून करण्यात आले.
सर्वत्र होणारी वृक्षतोड, त्या बदल्यात न होणारी लागवड याचा परिणाम वातावरणावर होत आहे. दरवर्षी उष्णतेत मोठी वाढ होत आहे. त्यामुळे पावसाळ्यात जास्तीत जास्त वृक्ष लागवड करण्याच्या सूचना शासनस्तरावरून केल्या जात आहेत. दरवर्षी नगरपंचायतीच्या माध्यमातून जागतिक पर्यावरणदिनाचे औचित्य साधून झाडे लावली जातात. यावर्षी अधिकाधिक झाडे लावून त्यांचे संवर्धन करण्याचा संकल्प मुख्याधिकारी चेतन विसपुते यांनी केला असून, तशा सूचना त्यांनी उपस्थित अधिकारी व कर्मचारी यांना दिल्या आहेत.
जागतिक पर्यावरणदिनानिमित्ताने नगरपंचायतीतर्फे नगरपंचायत कार्यालयाच्या मोकळ्या जागेत वृक्षारोपण व संवर्धन मोहिमेचा आरंभ झाला. माझी वसुंधरा शपथ घेण्यात आली. देवरूख नगरपंचायतीतर्फे शहरातील बचतगटांना वृक्ष लागवडीकरिता उपलब्ध करून देण्यात येणार आहेत. या वेळी परिविक्षाधीन मुख्याधिकारी नेहा कंठे, प्रशासकीय अधिकारी अनघा भाटकर, आरोग्य विभागप्रमुख प्रवीण खरात तसेच सर्व अधिकारी व कार्यालयीन कर्मचारी आदी उपस्थित होते.