रत्नागिरी - केंद्रीय मंत्री नारायण राणे यांनी मुख्यमंत्री उद्धव ठाकरे यांच्याविषयी केलेल्या आक्षेपार्ह वक्तव्यानंतर काल महाराष्ट्रात तणावाचे वातावरण निर्माण झाले. भाजपाच्या काही राणेंच्या वक्तव्याला सहमत नसल्याचे सांगितले. या साऱ्यानंतर आता भाजपाच्या आमदार प्रसाद लाड यांनी एक ट्वीट केलं आहे.

यात ते म्हणतात, खरंतर, मला धमक्यांचे फोन येणे हे हास्यास्पद आहे! परंतु वैचारिक पातळी सोडलेल्या लोकांकडून अजून काय अपेक्षा करू शकतो आपण? त्या अनुषंगाने सन्माननीय मुख्यमंत्री व शिवसेना पक्षप्रमुख उद्धव ठाकरे साहेबांना याबाबत पत्र लिहून अवगत करणार आहे. राज्यात कायदा सुव्यवस्था राखणे सरकारचे काम आहे! अशी माहिती त्यांनी दिली आहे.

दरम्यान नारायण राणे यांच्या या प्रकरामुळे राज्यात ठिकठिकाणी आंदोलने आणि दगडफेक झाली. भाजपा-शिवसेना नेते आणि कार्यकर्ते रस्त्यावर उतरले. याप्रकरणी 24 तासांच्या आत राणे यांना अटक झाली. मात्र काही वेळातच त्यांना जामीन हा मिळाला. या दरम्यान राजकीय वर्तुळात अनेक चर्चांना उधाण आले.