कणकवली (सिंधुदुर्ग) :  कोकणाने शिवसेनेला भरभरून दिले. पण ठाकरे सरकारने निसर्ग वादळ ग्रस्तांना तुटपुंजी मदत देऊन कोकणवासीयांच्या तोंडाला पाने पुसण्याचे काम केले असा आरोप भाजप प्रदेश चे उपाध्यक्ष आमदार प्रसाद लाड यांनी आज येथे केले. निसर्ग चक्रीवादळामुळं कोकणात मन हेलावून टाकणारी परिस्थिती आहे. झाडं आणि घरं अक्षरश: रडत आहेत. इतकी भीषण परिस्थिती असताना ठाकरे सरकारनं कोकणला अवघी 75 कोटींची मदत जाहीर केली आहे. वादळामुळं पडलेली झाड़ं बाजूला काढून साफसफाई करायची म्हटलं तरी हे पैसे पुरणार नाहीत असेही ते म्हणाले.

हेही वाचा - ‘निसर्ग’ने हिरावले जगण्याचे साधन ; एकीकडे विस्कटलेले घर दुरुस्त करण्याचे आव्हान तर दुसरीकडे आर्थिक घडी बसविण्यासाठी करावे लागत आहेत प्रयत्न.... -

 येथील प्रहार भवन मध्ये  प्रसाद लाड यांनी पत्रकार परिषद घेऊन ठाकरे सरकारच्या कारभारावर टीका केली. ते म्हणाले, निसर्ग वादळाने कोकणातील शेतकर्‍यांची हजारो कोटींची हानी झाली आहे. 75 किंवा 100 कोटींची मदत करून काहीही होणार नाही. आम्ही केंद्राच्या माध्यमातून नुकसानग्रस्त शेतकर्‍यांना मदत मिळवून देण्याचा प्रयत्न करत आहोत. मात्र राज्य शासनाने आपली जबाबदारी झटकू नये. रायगड, रत्नागिरीतील अनेक घरांचे पत्रे उडून गेले आहेत. त्याअनुषंगाने आम्ही 20 ट्रक सिमेंट आणि पत्र्याचे पत्रे तेथ पाठवले आहेत. पुढील काळात आणखी 80 ट्रक पत्रे तेथे पाठवणार असल्याचे श्री.लाड म्हणाले.

हेही वाचा - भरीच की : रत्नागिरीत सातवीत शिकणाऱ्या आर्यनने  बनवले टचलेस हँड सॅनिटायझिंग मशिन... -

रायगड, रत्नागिरीत कधी शिवसेनेच तर कधी काँग्रेस आणि राष्ट्रवादीचे मंत्री येऊन आढावा घेत आहेत. प्रत्यक्षात मात्र तेथील नुकसानग्रस्तांना मदत मिळालेली नाही. वीज पुरवठा ठप्प आहे. घरातील अन्नधान्य देखील वाया गेलेलं आहे. अशावेळी ठाकरे सरकारने तातडीने मदत यंत्रणा राबवायला हवी होती. पण मुख्यमंत्री उद्धव ठाकरे यांनी नुकसानग्रस्त गावांची फारशी पाहणी केलेली नाही. रत्नागिरीत देखील ते आलेले नाहीत.

हेही वाचा -ब्रेकिंग : आत्याचार करून चिमुरडीचा खून ; दोघांकडून घाणेरडे कृत्य 

चॉकलेट देण्याचे आमिष दाखवून नराधमांनी साधला डाव 

कोकणातील जनतेने आजवर शिवसेनेला भरभरून दिले. पण कोकणातली जनता म्हणजे शिवसेनेची मालमत्ता आहे, अशा पद्धतीनं शिवसेना वागत असल्याचा घणाघाती आरोप श्री.लाड यांनी केला. त्यांच्या सोबत आमदार नीतेश राणे, भाजप जिल्हाध्यक्ष राजन तेली, अतुल काळसेकर, प्रमोद जठार, कालिदास कोळंबकर आदी उपस्थित होते.