संगमेश्वर - येणार येणार याकडे डोळे लावून बसलेल्या पावसाने आज अखेर संगमेश्वर तालुक्यात हजेरी लावली. तालुक्याच्या पूर्वेकडील गावांमध्ये संध्याकाळी तासभर दमदार पाऊस कोसळला.
आज सकाळपासून मळभी वातावरण होते. गेले चार दिवस हाच प्रकार सुरु आहे. मात्र पाऊस केवळ हुलकावणी देवून जात होता. आज मात्र पावसाने सर्वाना सुखद धक्का दिला.
दुपारी तीन नंतर तालुक्यातील कसबा, फणसवणे, नायरी, कारभाटले, अणदेरि, तुरळ, धामणी, गोळवली, कुंभारखाणी, आरवली, कडवई आदी गावांमध्ये मुसळधार पाऊस कोसळला.
ढगांचा कडकडाट करत मुसळधार पाऊस पडल्याने दिवसभर वाढलेला हवेतला उष्मा अचानक कमी झाला. आजच्या पावसामुळे काही काळ थंड वातावरणाचा अनुभव सर्वांना घेता आला.
तालुक्यातील काही गावांमध्ये पावसाने हलकासा शिडकावा केला. संगमेश्वर परिसरात संध्याकाळी चारच्या सुमारास पावसाच्या हलक्या सरी कोसळल्या. ढगांच्या गडगडाटामुळे काही काळ वीज पुरवठा खंडित करण्यात आला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.