साडवली (रत्नागिरी) : गावाकडे येण्यासाठी धड रस्ता नाही एसटीचा तर पत्ताच नाही अशा स्थितीत रोज तब्बल अडीच तास पायी प्रवास करून साखरपा पुर्ये धनगरवाडीत राहणारी रंजना कोळापटे दररोज शिक्षण घेत आहे.साविञीच्या लेकींचा शिक्षणासाठी सुरू असलेला संघर्ष रंजनाच्या प्रवासातून पुढे येतो.
साखरपा कोंडगाव येथुन जवळच असलेले पुर्ये गाव व तेथील धनगरवाड्यात राहणारी रंजना सहा कि.मी.दुर असलेल्या आबासाहेब सावंत महाविद्यालयात १२ वी काॅमर्सचे शिक्षण घेते. ही मुलगी काॅलेजसाठी दररोज अडीच तास चालत शिक्षणासाठी पोहचत आहे.या गावात जाणार्या काजळीनदीवरील पुल हा अरुंद असल्याने या भागात एस.टी.ची सुविधा नाही.खाजगी वाहनाने जाण्याची रंजनाची परिस्थिती नाही.मुलींना एस.टी.सेवा मोफत असली तरी तीचा फायदा हिला घेता येत नाही.
काॅलेज सकाळचे असले तर रंजनाला पहाटे पाच वाजताच अंधार्या मार्गाने मार्गस्थ व्हायला लागते तेव्हा कोठे ती आठचे काॅलेज अडेंट करु शकते.ती मुळात हुशार आहे.बारावीपर्यंत तीने चांगल्या मार्कांनी यश मिळवले आहे.तीला अनेक बक्षिसेही मिळालेली आहेत.शिक्षणासाठी तीची मेहनत करायची तयारी आहे.काॅलेजला जाताना अडीच तास व परत येताना अडीच तास चालुन ती ध्येयाकडे वाटचाल करत आहे.तीचा भाउही आता दहावीला आहे.तोही हे असच अंतर पार करत असतो.
दररोज एवढे अंतर कापुन अभ्यास संभाळुन रंजना घरी स्वयंपाकालाही मदत करत असते,गुराढोरांचे काम पहात असते हे विशेष.मुळ रस्त्यापर्यंत येण्यासाठी थोडी डोंगरवाटही तीला कापावी लागते.हे असे बारमाही सुरु असते.सध्या महाविद्यालये बंद असल्याने तीला चालत जाण्यापासुन थोडा आराम आहे.अजुन तीन वर्ष पदवी मिळेपर्यंत तीला अशीच अडीच तासांची पायपीट करावी लागणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.