रत्नागिरी : मुंबईहून कोकणात येणार्‍या चाकरमान्यांची संख्या दिवसेंदिवस वाढत आहे. त्यांची व्यवस्था करताना जिल्हाप्रशासनाची तारांबळ उडत आहे. अनेक प्रवासी विनापास, विनापरवानगी येत असल्यामुळे गोंधळात भर पडत आहे. चाकरमान्यांना पास देताना स्थानिक प्रशासनाला कळवावे असे पत्र रत्नागिरी जिल्हाधिकार्‍यांनी शासनाकडे पाठवले आहे.

मुंबईत कोरोनाचा प्रादुर्भाव वाढल्यामुळे अनेक चाकरमानी गावाकडे परतू लागले आहेत. जिल्हाप्रशासनाकडून दरदिवसाच्या नोंदी घेण्याचे काम सुुरु आहे. शनिवारी एका दिवशी नऊ हजार चाकरमानी कोकणात दाखल झाले आहेत. त्यातील काहीजणं विना परवानगी आले आहेत. वाढत्या लोकांमुळे क्वॉरंटाइनची क्षमता संपत आहे. या परिस्थितीची माहिती जिल्हाधिकारी लक्ष्मीनारायण मिश्रा यांनी एका पत्राद्वारे शासनाकडे सादर केली आहे.

हेही वाचा- अमोल कुलकर्णी सारखा कर्तव्यदक्ष अधिकारी आम्ही गमावला...

हजारो चाकरमानी जिल्ह्यात

यापुढे मुंबईतुन कोकणात येण्यासाठी कुणालाही पास देताना जिल्हाप्रशासनाची परवानगी घेेणे अत्यावश्यक करावे. जेेणेकरुन त्यांची व्यवस्था करण्यासाठी वेळ मिळणार आहे. गेल्या 10 ते 12 दिवसांत हजारोंच्या संख्येने चाकरमानी गावात दाखल झाले आहेत. त्यामुळे कोरोनारुग्णांची संख्याही वाढत आहे. याचा विचार करुन लवकरात लवकर निर्णय घ्यावा अशी सुचना करण्यात आली आहे. या पत्राची दखल घेऊन कोणती कार्यवाही होणार याकडे सर्वांचे लक्ष लागले आहे.

हेही वाचा-सोमवारची सकाऴ कोल्हापूरसाठी धक्कादायकच : आणखी 5 रुग्ण आढळले संख्या गेली 54 वर...

समन्वय साधणे होईल सोपे : सामंत

दरोरोज मुंबईकरांना कोकणात येण्यासाठी दिल्या जाणार्‍या पासची संख्या कमी करावी असे पत्र राज्याच्या पोलिस आयुक्तांना जिल्हाधिकार्‍यांनी दिले आहे. स्थानिक आणि चाकरमानी यांच्यासाठी आरोग्य यंत्रणेचा समन्वय आणि ताळमेळ साधणे हा त्याचा उद्देश आहे. यामध्ये विरोध करण्याचा प्रश्‍न येत नाही, असे उच्च आणि तंत्र शिक्षण मंत्री उदय सामंत यांनी पत्रकारांशी बोलताना सांगितले