सावंतवाडी (सिंधुदुर्ग) - येथील शहरात कोरोनाचा प्रसार होत असताना लॉकडाउनचा निर्णय व्यापरी संघाने घेतला नसला तरी सुवर्णकारांच्या पाठोपाठ आता फुल व भाजी विक्रेत्यांनीही दुकाने बंद ठेवण्याचा निर्णय घेतला आहे. त्यामुळे गेले दोन दिवस फूल बाजारात शुकशुकाट दिसून येत आहे.
येथील शहरांमध्ये कोरोना पॉझिटिव्ह रुग्णांची संख्या दिवसेंदिवस वाढत आहे. त्यामुळे शहरी व ग्रामीण भागातील नागरिकांमध्ये भीती आहे. कोरोना भीतीमुळे ग्रामीण भागातील अनेक नागरिक शहराकडे जाण्याचे टाळत आहेत. काही शहरी भागातील नागरिक विनाकारण बाजारपेठेमध्ये येण्याचे टाळत आहेत; मात्र असे असले तरी बहुसंख्य नागरिक बाजारपेठेमध्ये खरेदीसाठी व विनाकारण फिरताना दिसत आहेत. यामुळे कोरोनाचा प्रादुर्भाव वाढत आहे. बरेच नागरिक विना मास्क फिरत आहेत.
या कारणामुळे पंधरवड्यात रुग्णसंख्येत वाढ झाली आहे; मात्र असे असले तरी शहरातील व्यापाऱ्यांमध्ये विविध मतमतांतरे दिसून येत आहेत. अलीकडे दोन दिवसांपूर्वी सुवर्णकरांनी दुकाने बंद ठेवली होती. त्यापाठोपाठ येथील संत गाडगेबाबा भाजी मंडईतील फुल विक्रेत्यांनीही दुकाने बंद ठेवण्याचा निर्णय घेतला आहे. कालपासून (ता.18) भाजी मंडई येथील दुकाने बंद दिसून आली. चातुर्मास सुरू असल्याने अनेक जण फुलांची खरेदी करत होते; मात्र त्यांना गैरसोयीचा सामना करावा लागणार आहे.
प्रशासनाच्या निर्णयाकडे लक्ष
फुल मार्केट बंद ठेवण्याच्या निर्णयाचे अनेकांनी स्वागत केले. कणकवली, कुडाळ याठिकाणी लॉकडाउनचा निर्णय घेण्यात आला होता तसाच निर्णय सावंतवाडी शहरासाठीही घ्यावा, अशी मागणीही जोर धरू लागली आहे. त्यामुळे प्रशासन कोणता निर्णय घेते, याकडे नागरिकांचे लक्ष लागून राहिले आहे.
संपादन - राहुल पाटील
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.