सावंतवाडी (सिंधुदुर्ग) - कोरोना व्हायरसच्या पार्श्‍वभूमिवर येथील पालिका सतर्क झाली आहे. स्वच्छता विभागाच्यावतीने सुरुवात होण्याआधीच या व्हायरसचा प्रादुर्भाव रोखण्यासाठी कंबर कसली आहे. आज पालिकेचे मुख्याधिकारी संतोष जिरगे यांनी स्वच्छता कर्मचाऱ्यांसह उपाययोजना आखण्या विषयी सूचना तसेच कामांचा आढावा घेतला. 

यावेळी मुख्याधिकारी संतोष जिरगे, कार्यालयीन लिपिक आसावरी शिरोडकर, स्वच्छता पर्यवेक्षक रसिका नाडकर्णी, प्रभारी स्वच्छता निरीक्षक परवीन शेख, कर्मचारी दीपक म्हापसेकर, देविदास आडारकर, संजय वारंग, गजानन परब, रिजवान शेख आणि इतर सफाई कामगार यांनी शहरातील निरनिराळ्या ठिकाणी भेटी दिल्या.

यावेळी दिलेल्या माहिती सांगण्यात आले की, येथील मच्छी मार्केट कॉम्प्लेक्‍स हे दर दोन तासांनी धुण्यात येणार आहे. पालिका कर्मचाऱ्यांची जी कार्यालय आहेत. या कार्यालयाच्या प्रवेशद्वारावर एक बेसिंग बसविण्यात आले असून हात धुण्यासाठी त्याठिकाणी हॅण्डवॉश ठेवण्यात आले आहेत. प्रत्येक कर्मचाऱ्यांना हात घेऊनच पालिका कार्यालयात प्रवेश करावा. याशिवाय जनजागृतीसाठी सार्वजनिक ठिकाणी करुणा व्हायरसचा प्रादुर्भाव होऊ नये, यासाठी दक्षता घ्याव्यात, अशा सूचनांचा बॅनर ही लावण्यात येणार आहे. 

शहरात जेवढे सुपर मार्केट आहे. त्याठिकाणी ग्राहकांना हात धुण्यासाठी हॅडवॉश ठेवण्याच्या सूचना देण्यात आले आहेत. याची पाहणी करण्यात येणार आहे. याशिवाय शहरातील हॉटेल लॉजिंग मालकांना राहण्यासाठी येणारे बाहेरून पर्यटक नागरिक यांची माहिती ती देण्यात यावी अशा सूचना देण्यात आले आहेत. याबाबतची माहिती घरपट्टी वसुलीवेळी पालिका कर्मचाऱ्यांकडून घेतली जाणार आहे. 

मच्छीमार्केटची पाहणी 
कोरोना वायरसच्या पार्श्‍वभूमीवर येथील नगरपालिका सतर्क झाली असून या व्हायरसचा प्रादुर्भाव यासाठी पालिका मुख्याधिकारी संतोष जिरगे यांनी मच्छी मार्केट व इतर ठिकाणी जाऊन पाहणी केली तसेच यावेळी उपस्थित असलेल्या कर्मचाऱ्यांना सूचना दिली. पालिकेकडून वायरसबाबत नागरिकांनी घाबरून न जाण्याचे व स्वच्छतेविषयी योग्य ती दक्षता घेण्याचे आवाहन केले आहे.