सावंतवाडी (सिंधुदुर्ग) - ग्रामपंचायत निवडणुकीच्या तोंडावर शिवसेनेला भाजपकडून मोठा धक्का देण्यात आला असून कोलगाव शिवसेनेत मोठे खिंडार पडले आहे. शिवसेनेच्या विद्यमान ग्रामपंचायत सदस्या संदेशा संदेश वेंगुर्लेकर तसेच शिवसेनाशाखा प्रमुख विजय सावंत यांच्या नेतृत्वाखाली शेकडो शिवसैनिकांनी भाजपचे जिल्हाध्यक्ष राजन तेली व जिल्हा सरचिटणीस महेश सारंग यांच्या उपस्थितीत भाजपमध्ये प्रवेश केला.
तालुक्‍यात होणाऱ्या निवडणुकीच्या पार्श्‍वभूमीवर फोडाफोडीचे राजकारण सुरू झाले आहे. तालुक्‍यात 11 ग्रामपंचायतीच्या निवडणुका होत आहेत. यात मुख्य करून कोलगाव व इन्सुली ग्रामपंचायत निवडणुकीकडे तालुक्‍याचे लक्ष लागले आहे. दरम्यान, आज सारंग यांनी शिवसेनेला धक्का देताना शिवसेनेच्या विद्यमान ग्रामपंचायत सदस्या संदेशा वेगुर्लेकर तसेच शिवसेना शाखा प्रमुख विजय सावंत यांच्यासह कार्यकर्त्यांचा भाजप प्रवेश घेतला आहे.
यावेळी कोलगावचे माजी सरपंच राजन कुडतरकर, प्रभाकर राऊळ, सोसायटी चेअरमन चंदन धुरी, ग्रामपंचायत सदस्य संदिप हळदणकर, संतोष राऊळ, भाजपचे शहर मंडल अध्यक्ष संदेश टेमकर, सुरेश दळवी, फ्रॅकी डान्टस, संजय पाटणकर आदी उपस्थित होते. एकूणच कोलगावातील या पक्ष प्रवेशामुळे गावातील राजकीय वातावरण ढवळून निघणार असून येत्या काही दिवसात अन्य राजकीय घडामोडी पाहायला मिळणार असल्याचीही चर्चा आहे.
पुन्हा चुरशीचा सामना
कोलगाव ग्रामपंचायतीमध्ये सत्ताधारी शिवसेनापक्षाचे जिल्हा परिषद सदस्य मायकल डिसोजा याच्या नेतृत्वाखाली गटाचा गेल्या निवडणुकीमध्ये शिवसेनेचा भगवा फडकला होता. त्यावेळी आताचे भाजपचे नेते महेश सारंग यांना दारुण पराभव पत्करावा लागला होता; मात्र सद्यस्थितीत परिस्थिती बदलली असून पुन्हा एकदा याठिकाणी चुरशीचा सामना पाहायला मिळणार आहे.
संपादन - राहुल पाटील
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.