Stop flyover construction until quality inspection say vinayak raut 
कोकण

गुणवत्ता तपासणी होईपर्यंत उड्डाणपूल उभारणीचे काम थांबवा  ; खासदार विनायक राऊत यांचे निर्देश 

सकाळ वृत्तसेवा

कणकवली - उड्डाणपूल उभारणीचे काम तातडीने बंद करा. तसेच आत्तापर्यंत उभारणी झालेल्या उड्डाणपुलाची गुणवत्ता तपासणी अहवाल येईपर्यंत पुलाचे पुढील काम सुरू करू नका, असे निर्देश खासदार विनायक राऊत यांना आज हायवे ठेकेदार प्रतिनिधींना दिले.
 

खासदार राऊत यांनी आज दुपारी कोसळलेल्या उड्डाणपुलाच्या भागाची पाहणी केली. त्यानंतर पत्रकारांशी बोलताना त्यांनी उड्डाणपूल उभारणीचे काम थांबविण्याचे निर्देश ठेकेदाराला दिले असल्याची माहिती दिली. तसेच उड्डाणपुलाचा सध्या जो भाग कोसळला आहे, तो पूर्णतः काढला पाहिजे. तेथील शिगा आरपार गेलेल्या आहेत. त्यामुळे संपूर्ण स्लॅबला धोका पोचलेला असू शकतो. पुढील काळात अशीच घटना घडली तर मोठ्या प्रमाणात जीवित हानी होऊ शकते. त्यामुळे आत्तापासून दक्षता घेणे आवश्यक असल्याचे राऊत म्हणाले.
 
 उड्डाणपूल उभारणीचे काम सुरू असताना पुलाचा स्लॅब कोसळणे ही गंभीर बाब आहे. जनतेच्या तसेच प्रवाशांच्या जिवाशी खेळण्याचा हा प्रकार आहे. हा प्रकार आम्ही खपवून घेणार नाही. चौपदरीकरणाचे काम सुरू असताना हायवे ठेकेदारासह, त्यावर नियंत्रण ठेवणार्‍या कंपनीने वरिष्ठ अधिकारी तैनात करायला हवेत. महामार्ग चौपदरीकरणांतर्गत झालेली गटारांचीही कामे निकृष्ट दर्जाची असल्याच्याही तक्रारी आपणाकडे आल्याचे राऊत म्हणाले.


राऊत यांच्यासोबत शिवसेनेचे सचिन सावंत, डॉ. प्रथमेश सावंत, राजू राठोड, नगरसेवक रूपेश नार्वेकर, सुजित जाधव, अनिस नाईक, उमेश वाळके, रिमेश चव्हाण, महामार्ग विभागाचे तांत्रिक सल्लागार एन. के सिंग, दिलीप बिल्डकॉनचे एम. डी. पाटील, श्री.परिहार आदी उपस्थित होते.


संपादन - धनाजी सुर्वे  
 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

अमेरिकेने इराणविरुद्धच्या युद्धात एक्स्पायर झालेली क्षेपणास्त्रे वापरली; सिनेट आर्म्ड सर्व्हिसेस कमिटीसमोर सुनावणी

Truck Bike Accident : तेरवीहून परतताना पती-पत्नी ठार; शिंदोला मार्गावर ट्रक-दुचाकीचा भीषण अपघात

Chadrapur Crime : चंद्रपूर हादरले! चौकात कवटी, रेल्वे पटरीलगत मृतदेह; दोन्ही अवयव एकाच व्यक्तीचे असल्याचा संशय

Dengue-Like Infection : मुंढेत ४० जणांना डेंगीसदृश्य लागण; गावात खळबळ

Amravati Fire : वलगाव मार्गावरील हबीब नगर परिसरात शॉर्टसर्किटमुळे आग लागल्याची शक्यता; अडीच ते तीन तासांच्या प्रयत्नांनंतर अग्निशमन दलाने आगीवर मिळवले नियंत्रण

SCROLL FOR NEXT