रत्नागिरी : केंद्र शासनाच्या कृषिमंत्रालय, पशुसंवर्धन, दुग्धव्यवसाय व मत्स्य व्यवसाय विभागाने थाई मागूर माशाच्या संवर्धनावर बंदी आणली आहे. राष्ट्रीय हरीत लवादाने या संदर्भात अलीकडेच याचिका निकाली काढली. त्यामुळे जिल्ह्यातील थाई मागूर माशांचे संवर्धन करणाऱ्या मत्स्यसंवर्धकांनी थाई मागूर माशांचे संवर्धन त्वरित थांबवावे, असे आदेश दिले आहेत.
सदर मासे पूर्णत: नष्ट करावेत. तपासणी पथकास थाई मागूर माशांचे संवर्धन आढळल्यास संबंधितांवर कायदेशीर कारवाई करण्यात येईल, असे सहायक आयुक्त मत्स्यव्यवसाय रत्नागिरी कळविले आहे. न्यायालयाच्या या आदेशानुसार थाई मागूर माशांचे प्रजनन व मत्स्यपालनावर बंदी घालण्यात आली आहे. या माशाचे अस्तित्वात असलेले मत्स्यसाठे नष्ट करण्याचे आदेश दिले आहेत.
हेही वाचा- ब्लू व्हेल मासा का मरण पावतो.... वाचा
स्थानिक माशांसाठी अत्यंत धोकादायक
थाई मागूर हा गोड्यापाण्यातील विदेशी कॅटफिश मासा आहे. अतिशय प्रतिकूल परिस्थितीमध्येही तो वाढू शकतो. तो सर्वभक्षी आहे. त्यामुळे निसर्गात उपलब्ध इतर स्थानिक माशांसाठी तो अत्यंत धोकादायक आहे. त्यामुळे पर्यावरणाचे संतुलनावर व इतर स्थानिक माशांच्या प्रजातीवर त्याचा विपरित परिणाम होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.