चिपळूण - पोलिस आणि प्रशासन यंत्रणा कोरोनावर मात करण्यासाठी प्रयत्न करत असताना चोरट्यानी कॅनोन या कॅमेर्याच्या शोरूमवर डल्ला मारला. येथून सुमारे 3 लाखाचा एैवज चोरीला गेला आहे. शोरूमचे मालक अरूण कदम यांनी आज यासंदर्भात चिपळूण पोलिस ठाण्यात फिर्याद दिला.
मुंबई - गोवा महामार्गालगत डीबीजे महाविद्यालयाच्या शेजारी कॅनोन कॅमेर्याचे शोरूम आहे. शोरूमचे मालक अरूण कदम शनिवारी रात्री 9 वाजेपर्यंत शोमरूममध्ये होते. त्यानंतर शोरूमचे शटर बंद करून ते घरी निघून गेले. सकाळी 7 वाजता शेजारी लोकाना त्यांच्या शोरूमचे मागील बाजूचे शटर अर्धवट उघडलेले आढळून आले.
नागरिकांनी मोबाईलवरून कदम यांच्याशी चौकशी केली असता ते घरी असल्याचे आढळून आले. त्यानंतर स्वतः कदम शोरूममध्ये आले त्यांनी शटर पूर्णपणे उघडले असता शोरूममध्ये चोरी झाल्याचे स्पष्ट झाले. शोरूममध्ये 25 हजार रुपये होते. चोरट्यानी शटरचा लॉक फोडून आत प्रवेश केला आणि 25 हजार रोख रक्कमेसह महागडे कॅमेरा, लेन्स, मेमरी कार्ड असा एकूण सुमारे तीन लाखाचा मुद्देमाल चोरून नेला. कदम यांनी यासंदर्भात चिपळूण पोलिस ठाण्यात खबर दिली. त्यानंतर चिपळूणचे पोलिस घटनास्थळी दाखल झाले. सांयकाळी उशिरापर्यंत गुन्हा दाखल करण्याचे काम सुरू होते. शोरूममधील सीसीटीव्ही फुटेज पोलिसांनी चौकशीसाठी ताब्यात घेतले आहे.
संपादन - मतीन शेख
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.